МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
“Не пакідайце дзяцей адных!” – звяртаюцца да дарослых бярэзінскія ратавальнікі
Адна з яскравых прыкмет мая – штогадовая акцыя ратавальнікаў “Не пакідайце дзяцей адных!”. Менавіта да гэтага мы заклікаем усіх бацькоў, чые маленькія гарэзы падчас бескантрольных гульняў могуць патрапіць у бяду. Першы этап акцыі бярэзінскія ратавальнікі правялі ў фае спецыялізаванай дзіцяча-юнацкай школы алімпійскага рэзерву.
Увагу наведвальнікаў прыцягвалі роставая лялька, яркі банэр, магнітная дошка і стол з нагляднай прадукцыяй: тут можна пагуляць і атрымаць карысны падарунак ад службы ратавання. Падчас гульні мы адпрацоўваем з дзецьмі правілы паводзінаў пры пажары, пры знаходжанні ў месцах з вялікім скопішчам людзей. Дарослым нагадваем пра неабходнасць кантраляваць заняткі дзяцей. Другім словам, што датычыцца бяспекі дзяцей – тут заўжды трэба мець “вушкі на макушцы”! Прыемна, што праводзіць акцыю дапамаглі юныя ратавальнікі-актывісты з клуба “Сірэна”. Кожны ўдзельнік акцыі пайшоў дадому з карысным падарункам ад ратавальнікаў – і гэта не толькі буклеты, размалеўкі, кніжкі. Самы галоўны падарунак – веды па бяспецы, якіх многа не бывае!
Будь готов
Другие новости
