- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
За “пажарнай” перамогай! (Стаўбцоўскі раён)
Дзяўчаты і хлопцы з усяго раёна выйшлі на старт і з нецярпеннем чакалі пачатку спаборніцтваў. Некаторыя з удзельнікаў упершыню атрымалі магчымасць паспытаць на сабе «спартыўнае» жыццё ратавальнікаў, а хтосьці не першы раз змагаецца за перамогу. Традыцыйна ўсім удзельнікам спаборніцтваў неабходна было пераадолець 100-метровую паласу з перашкодамі і пад’ём па штурмавой лесвіцы.
І вось – пастраенне, жараб’ёўка і – «На старт!.. Увага!.. Марш!..» Каманды рынуліся за “пажарнай” перамогай.
Барацьба развярнулася не на жарт – кожны хацеў быць самым хуткім і спрытным. Адзін за другім змяняліся спартыўныя снарады, а жаданне перамагчы толькі расло, узмацнялася. Ва ўмовах такой зацятай барацьбы розніца ў часе паміж камандамі разыходзілася на долі секунды. Перамогу на гэты раз святкавала каманда ДУА “Сярэдняя школа №3 г.Стоўбцы”, другое месца – у каманды Вішнявецкай сярэдняй школы, трэцяе месца захавала за сабой каманда Дзераўнянскай сярэдняй школы.
Віншуем пераможцаў і прызёраў і жадаем ім поспехаў на наступных стартах!