- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Электрапрыборы – небяспечныя дапаможнікі (Слуцкі раён)
Сучасныя жылыя домаўладанні і кватэры перанасычаны мноствам разнастайных карысных электрапрыбораў. Аднак пры няправільнай ці нядбайнай эксплуатацыі іх, яны могуць стаць крыніцай бяды. Часцей за ўсё пажары адбываюцца ад кароткіх замыканняў пры карыстанні электраправодкай з пашкоджанай ізаляцыяй, ці ад перагрузкі электрасеткі, калі ў адной разетцы адразу ўключана некалькі бытавых прыбораў. Перагрэў правадоў і іх ўзгаранне адбываецца, калі замест стандартных засцерагальнікаў ўжываюцца самаробныя ўстаўкі (жучкі), якія не захоўваюць электрасетку.
Нярэдка да пажараў прыводзяць і электрапрыборы, якія некантралявана працуюць працяглы перыяд часу – гэта тэлевізары, электраабагравальнікі, электракаларыферы, электрапліткі.
Супрацоўнікі Слуцкага раённага аддзела па надзвычайных сітуацыях нагадваюць жыхарам горада і раёна аб мерах пажарнай бяспекі пры выкарыстанні электраабсталявання:
– не ўключайце адначасова ў сетку некалькі магутных электрапрыбораў;
– не выкарыстоўвайце няспраўныя або самаробныя электразасцерагальнікі;
– перыядычна правярайце стан электраправодкі ў доме (кватэры) і давярайце гэтую справу толькі кваліфікаваным спецыялістам;
– не завязвайце электрапровад ў вузлы, не падвешвайце іх на цвіках;
– не стаўце электраабагравальнік на дыван і драўляную падлогу;
– мэблю, шторы і цюль неабходна трымаць на бяспечнай адлегласці ад уключаных электрапрыбораў;
– электрапрыборы, якія выкарыстоўваюцца на кухні, неабходна ўсталёўваць на незгаральныя падстаўкі (з азбафанеры, цэглы або азбесту) далей ад штор, фіранак і іншых згаральных прадметаў;
– не пакідайце ўключаныя ў сетку электрапрыборы, тэлевізары без нагляду, сыходзячы з хаты, абавязкова адключайце прыбор ад сеткі.
Правілы бяспекі і правілы эксплуатацыі электрапрыбораў павінен выконваць кожны, бо яны вельмі простыя, але абавязковыя!