МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
У чыім доме пасялілася бяспека? (Бярэзінскі раён)
“Ні дня без рэйда” – пад такім дэвізам працавалі на працягу амаль трох тыдняў ратавальнікі Бярэзіншчыны. Супрацоўніцтва з іншымі службамі ў рамках міжведамаснай акцыі “За бяспеку разам” праходзіла актыўна і вынікова: штодня мы выязджалі ў весачкі і аграгарадкі, каб папярэдзіць магчымыя ўзгаранні. Для гэтага грунтоўна даследвалі ўмовы пражывання шматдзетных сем’яў, інвалідаў, састарэлых людзей. Не засталіся па-за ўвагай і прыхільнікі спіртных напояў.
Так, чарговы рэйд прайшоў па найбольш аддаленых весках Паплаўскага сельскага Савета. Акрамя спецыяліста сельвыканкама, ратавальніка і педагога мясцовай школы, у рэйд выехала і карэспандэнт мясцовай газеты. Парушэнні нормаў пажарнай бяспекі есць амаль у кожнай вясковай хаце. Дзесьці яны – грунтоўныя: так, у адным з дамоў печку пажадана не тое што адрамантаваць, а наогул ліквідаваць і пабудаваць новую. Дзесьці робім толькі заўвагі: так, металічны ліст ля печкі трэба надзейна замацаваць да падлогі ў доме пенсіянеркі ў аграгарадку Паплавы. Дзесьці людзі не заўважаюць, што элемент харчавання ў апавяшчальніку даўно патрабуе замены і лічаць гэта не такім ужо і важкім парушэннем. Так, з-за адсутнасці батарэйкі пажар не ўзнікне, але ж наступствы магчымага ўзгарання могуць быць трагічнымі: няспраўны апавяшчальнік не зможа аператыўна папярэдзіць людзей пра бяду – а гэта ж і есць яго задача. Наогул рэйд пакідае нядрэннае ўражанне: людзі з падзякай рэагуюць на клопат, абяцаюць прывесці ў парадак печы да наступнага ацяпляльнага сезону, пачысціць ад сажы коміны, падтрымліваць у “баявым” стане пажарныя апавяшчальнікі.
Будь готов
Другие новости
