- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
На выпадак няштатнай сітуацыі… (Мядзельскі раён)
У нашым жыцці часта ўзнікаюць рознага роду здарэнні і экстрэмальныя сітуацыі, якія патрабуюць максімальнага напружання волі і сіл, умення хутка ацэньваць тое, што адбылося і выбіраць найбольш эфектыўны спосаб абароны, выратавання, выжывання. У першыя хвіліны экстрэмальнай сітуацыі пад дзеяннем страху, нечаканасці, панікі, у стане афекту чалавек дзейнічае рэфлекторна, на ўзроўні падсвядомасці. Галоўнымі прычынамі такіх дзеянняў у большасці выпадкаў з'яўляецца, па-першае, нечаканасць, а па-другое, негатовасць, гэта значыць няведанне мер процідзеяння.
Як паказвае практыка, колькасць ахвяр сярод насельніцтва, якія ведаюць правілы дзеянняў пры надзвычайных сітуацыях і якія ўмеюць правільна дзейнічаць у экстрэмальных сітуацыях, бывае значна менш, чым сярод насельніцтва, якое не валодае гэтымі навыкамі. Таму важна ведаць асноўныя прынцыпы бяспекі, якія абвяшчаюць, што неабходна:
- Прадбачыць небяспеку, па магчымасці пазбягаць яе;
- Пры неабходнасці дзейнiчаць рашуча і выразна, змагацца да апошняга;
- Актыўна (усімі магчымымі спосабамі) прасіць аб дапамозе і самому яе аказваць тым, хто мае ў гэтым патрэбу.
Менавіта гэтымі прынцыпамі кіраваліся дзеці – зубраняты, наведаўшы “школу бяспекі”, якая адчыніла свае дзверы на базе міні – цэнтра бяспекі 25 красавіка. Мерапрыемства праходзіла ў рамках акцыі “За бяспеку разам”.
Падчас мерапрыемства хлопчыкі і дзяўчынкі, якія адпачываюць у дзяржаўнай установе адукацыі “Нацыянальны дзіцячы адукацыйна – аздараўленчы цэнтр “Зубраня”, змаглі ўспомніць правілы бяспечных паводзін пры ўзнікненні рознага роду надзвычайных здарэнняў, навучыцца арыентавацца падчас няштатных сітуацый, выхаваць у сабе патрэбу ў дысцыплінаванасці. А рабілі яны гэта праз гутаркі аб правілах паводзін пры ўзнікненні розных надзвычайных сітуацый, аб правілах выкліку службы выратавання, пытанні віктарыны на пажарную тэматыку, а таксама дэмастрацыю прафілактычных відэафільмаў. Не засталіся без увагі і пытанні паводзін на дарозе.
Сумаваць падчас правядзення мерапрыемства не давялося нікому. Дзеці літаральна ўбіралі ў сябе важную і карысную інфармацыю, якой так шчодра дзяліліся дарослыя.