- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Прафілактыка – у кожны калектыў (Бярэзінскі раён)
Мы расказваем пра прычыны ўзгаранняў, прыводзім канкрэтныя прыклады вогненных здарэнняў у раёне. Такая інфармацыя запамінаецца людзям найбольш: Бярэзінскі раён – невялікі, кожны чалавек – амаль што знаемы, таму весткі пра розныя здарэнні разыходзяцца хутка. Асноўны ўпор падчас выступленняў робіцца на пытанні бяспекі ў вясенне-летні перыяд: размова ідзе пра пажары ў экасістэмах і на падворках людзей. Найчасцей прычыны тут – мэтанакіраванае выпальванне сухастою ці пакіданне месца спальвання смецця без нагляду. Падрабязна расказваем людзям пра правілы “бяспечнага вогнішча” на падворку. Расповед пра важнасць пажарнага апавяшчальніка – абавязковы элемент гутаркі. Роўна як і гутарка пра неабходнасць пільна сачыць за забавамі малых дзяцей. Не прамінаем і нагадаць людзям правілы карыстання вогнетушыцелем, а таксама тэлефон службы ратавання. У асноўныя людзі дзякуюць за клопат, задаюць хвалюючыя пытанні.