- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Акцыя ў інтэрнаце: цікава, пазнавальна, карысна! (Бярэзінскі раён)
З акцыяй “Дзень бяспекі. Увага ўсім!” бярэзінскія ратавальнікі наведалі інтэрнат РКУПП “Бярэзінская ЖКГ”. Асноўнымі ўдзельнікамі мерапрыемства аказаліся дзеці, што тут пражываюць. Іх увазе быў прадстаўлены мультфільм “Чароўная кніга”, рухомыя гульні, розныя заданні і віктарыны.
Нашы дзеці ў імгненне вока знаходзяць парушэнні правілаў бяспекі ў жылых комнатах на карцінцы, бойка адказваюць на заданні з картак, малююць прычыны пажараў, складваюць пазлы, звоняць умоўнаму дыспетчару ў службу ратавання, расказваюць пра правілы ратавання пры задымленні ў доме... Галоўнае – каб у крытычны момант яны змаглі не запанікаваць і правільна скарыстацца сваімі ведамі. Гэтаму і вучыла іх інспектар прапаганды райаддзела па надзвычайных сітуацыях. Роставая лялька-выратавальнік гуляла разам з дзецьмі, падтрымліваючы іх цікавасць да ўсяго дзейства. На памяць пра акцыю кожнае дзіця атрымала брашуры, буклеты, закладкі, размалёўкі. Акцыя працягваецца.