- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Незвычайныя людзі ў незвычайным месцы (Стаўбцоўскі раён)
Вось і на гэты раз ратавальнікі вырашылі правесці такую сустрэчу, каб яшчэ раз нагадаць пра неабходнасць жыць бяспечна. Аднак слухачамі сталі не зусім звычайныя людзі, а менавіта – людзі, якія наведваюць аддзяленне дзённага знаходжання для інвалідаў пры тэрытарыяльным цэнтры сацыяльнага абслугоўвання насельніцтва. Дарэчы, і месца мерапрыемства было выбрана не зусім звычайнае – міні-цэнтр бяспекі.
Ратавальнікі падрыхтавалі для наведвальнікаў аддзялення забаўляльна-навучальную праграму, падчас якой удзельнікі набылі пэўныя веды і, спадзяемся, назапасілі пазітыўныя эмоцыі. Акрамя звычайнай размовы пра бяспеку, у рамках сустрэчы адпрацавалі алгарытм дзеяння падчас узнікнення надзвычайнай сітуацыі, правілы выкліку службы выратавання. Узгадалі правілы бяспечных паводзін у зімовы час – зімовыя гульні, карыстанне ацяпляльнымі прыборамі. Не абышлася сустрэча і без праходжання тэсціравання ў мабільным дадатку “МНС Беларусі: Дапамога побач”. А ў канцы мерапрыемства ўсе прысутныя, па традыцыі ўжо, атрымалі на памяць тэматычныя буклеты і размалёўкі.
Такім чынам, яшчэ адна сустрэча бяспекі прайшла на Стаўбцоўшчыне, але ратавальнікі на гэтым не спыняюцца і крочаць далей – да новых сустрэч, да новых ведаў бяспекі!