Учреждение Минское областное управление МЧС Республики Беларусь

Адреса и телефоны
220137 г. Минск, ул.Нестерова, 9а
Время работы: пн-пт 09.00-18.00
(+375 17) 246-74-04 (приемная)
(+375 17) 273-39-99, (+375 17) 273-93-65
minobl@mchs.gov.by

Территориальные управления МЧС

Департаменты

Университет МЧС

Научно-исследовательский институт пожарной
безопасности и проблем чрезвычайных ситуаций МЧС

Авиация МЧС

Республиканский отряд специального назначения «ЗУБР» МЧС

Республиканский центр сертификации и экспертизы
лицензируемых видов деятельности МЧС

Республиканский центр управления и реагирования
на чрезвычайные ситуации МЧС

Государственная инспекция по маломерным судам МЧС

Белорусская молодежная общественная организация спасателей-пожарных

Минское областное

Новости

Рады вітаць на атракцыёнах бяспекі! (Як у Клецку прайшоў фінальны этап акцыі “Не прапальвай сваё жыццё!”)

Амаль кожны суботні дзень жыхары Клецкага раёна наведваюць раённы цэнтр, каб зрабіць неабходныя пакупкі на кірмашы, у буйных магазінах, у разнастайных гандлёвых кропках. Выконваючы ўсе ўстаноўленыя правілы рэспіраторнага этыкету, дарослыя і дзеці невялікімі групкамі ці паасобку змяняюць адзін аднаго каля прамысловых і прадуктовых прылаўкаў.

У гэтую суботу, акрамя неабходных пакупак, жыхары горада і раёна змаглі атрымаць яшчэ і набор карысных ведаў у галіне бяспекі. Усё таму, што менавіта у гэты дзень работнікі МНС разам з юнымі выратавальнікамі-пажарнымі праводзілі фінальны этап акцыі “Не прапальвай сваё жыццё!” і прэзентацыю інфармацыйна-прапагандысцкай кампаніі “Не чакай белачку – тушы недакурак”.

Незвычайны фармат прафілактычнай праграмы ў выглядзе атракцыёнаў бяспекі прывабліваў наведвальнікаў гарадскога універмага. Цікава было і дарослым, і дзецям. Нават часцей дзеці станавіліся ініцыятарамі ўдзелу бацькоў у конкурсах, каб тыя маглі атрымаць для іх салодкі падарунак. І самі малыя былі не супраць пагуляць разам з мамамі і татамі з вавёркамі-памочнікамі, паразмаўляць з выратавальнікамі, паспрабаваць свае сілы ў ведах правіл бяспекі і іншых спаборніцтвах на розных пляцоўках імправізаванага парка атракцыёнаў “Не прапальвай сваё жыццё!”. Так, можна было пагуляць у дартс на пляцоўцы “Бяспечная попельніца”, скласці пазлы “Галаваломкі ад белкі”, патанцаваць “Пажарны твіст”, паказаць спрыт у “Электроніцы 112”, праявіць талент мастака-ілюстратара цыгарэтных пачак, а яшчэ адмовіцца ад цыгарэты і абмяняць яе на цукерку. За кожную перамогу – таксама салодкі падарунак і яскравыя каляндарыкі ад белачкі-памочніка. Каб атрымаць білет на атракцыён, неабходна было выкінуць цыгарэту ў спецыяльную “попельніцу”. Сюрпрыз жа чакаў тых, хто зусім ніколі не курыў ці ўжо адмовіўся ад гэтай згубнай звычкі: такім людзям білеты былі ў падарунак. Некаторыя пакупнікі, якія не ўдзельнічалі ў конкурсах, атрымалі ад выратавальнікаў выяўленчую прадукцыю МНС і шэраг карысных вусных парад. Так кожны наведвальнік гандлевага цэнтра ў большай ці меньшай ступені далучыўся да акцыі, даведаўся аб небяспецы курэння ў розных месцах, пазнаёміўся з новай кампаніяй МНС “Не чакай белачку – тушы недакурак”.

Так цікава завяршылася на Клеччыне акцыя “Не прапальвай сваё жыццё!”. А прафілактычная работа выратавальнікаў працягваецца. Наперадзе – новыя незвычайныя і карысныя сустрэчы з МНС!