- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Вам пісьмо: “Не прапальвайце сваё жыццё!” (Клецкі раён)
З мэтай папярэджання пажараў і гібелі людзей ад іх па прычыне неасцярожнага абыходжання з агнём пры курэнні ў лістападзе выратавальнікі праводзяць акцыю «Не прапальвай сваё жыццё!». Пры яе правядзенні выкарыстоўваюцца розныя інтэрактыўныя формы прафілактычных мерапрыемстваў.
Не стаў выключэннем і Клецкі раённы аддзел па надзвычайных сітуацыях. Так, у перыяд з 25 па 30 лістапада сумесна з Клецкім раённым Саветам дэпутатаў была арганізавана акцыя «Бяспечная карэспандэнцыя». У яе рамках праведзена адрасная паштовая рассылка прафілактычнай інфармацыі і наглядна-выяўленчай прадукцыі МНС асобам, якія вядуць асацыяльны лад жыцця, злоўжываюць спіртнымі напоямі.
Спісы дадзенай катэгорыі грамадзян, якія пражываюць на тэрыторыі дзевяці сельсаветаў, былі прадастаўлены сельскімі выканаўчымі камітэтамі. А спецыялісты МНС падрыхтавалі тэматычныя канверты з лагатыпам акцыі, у якія ўклалі звароты да грамадзян з заклікам не курыць у ложку, выконваць правілы пажарнай бяспекі, быць уважлівымі пры абыходжанні з агнём. У дадатак канверты папоўніліся і буклетамі і лістоўкамі акцыі “Не прапальвай сваё жыццё”. Бяспечную карэспандэнцыю, такім чынам, атрымалі больш за паўсотні чалавек.