- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Наша задача – дайсці да кожнага! (Мядзельскі раён)
З года ў год назіраецца сумная статыстыка пажараў як ў жыллёвым фондзе, так і на аб’ектах дзяржаўнай формы ўласнасці, якія прыводзяць да непапраўных вынікаў. Прычым размова ідзе не пра прыродныя катаклізмы, якія прадказаць немагчыма. Вельмі часта непрыемныя і нават трагічныя здарэнні з’яўляюцца спаравай рук чалавечых. Таму наша задача папярэдзіць гэтыя здарэнні.
З мэтай правядзення тлумачальнай і прафілактычнай работы з грамадзянамі 16 верасня начальнік Мядзельскага раённага аддзела па надзвычайных сітуацыях Васіль Кузьмянок сустрэўся з працоўным калектывам санаторыя “Жураўка”. У сваім выступе Васіль Васільевіч распавёў аб асноўных прычынах ўзнікнення пажараў і іншых надзвычайных сітуацый, прывёў трагічную статыстыку гібелі людзей на пажарах. Звярнуў увагу аўдыторыі на той факт, што ў абсалютнай большасці сваёй трагедыі адбываюцца ў жылым сектары і па віне самога чалавека. Начальнік райаддзела па надзвычайных сітуацыях асабліва адзначыў, што з надыходам восені і зімніх маразоў пачашчаюцца выпадкі ўзнікнення пажараў ад няспраўнага пячнога ацяплення і неасцярожнасці пры яго эксплуатацыі, у выніку чаго згараюць хаты і гаспадарчыя пабудовы, гінуць людзі. Асаблівую ўвагу надаў праблеме дзіцячай гібелі на пажарах, нагадаў аб неабходнасці строгага кантролю за баўленнем часу дзяцей, і яшчэ раз нагадаў асноўныя правілы, якія павінен ведаць кожны, каб прадухіліць бяду, зберагчы сваё жыццё і жыццё сваіх родных і блізкіх.
У завяршэнні сустрэчы ўсім прысутным былі ўручаны буклеты з інфармацыяй супрацьпажарнай накіраванасці. Таксама ўсе жадаючыя змаглі задаць свае пытанні, на якія атрымалі даступныя адказы.