- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
За бяспекай – у “Смайлік” (Стаўбцоўскі раён)
Апошнімі днямі лета, як і кожны год, у месцах гандлю школьнымі таварамі можна назіраць вучнёўска-бацькоўскі “бум”. Хлопчыкі і дзяўчынкі, а таксама іх бацькі імкнуцца даўкамплектаваць “рукзакі ведаў” усім неабходным для атрымання трывалых і каштоўных ведаў.
А вось у некаторых магазінах Стаўбцоўшчыны ў пакупнікоў ёсць магчымасць набыць яшчэ і веды пра правілы бяспечных паводзін. Раней такі магазін у Стоўбцах быў адзін – магазін “Дзіцячы свет”, а ў гэтым годзе да акцыі “У цэнтры ўвагі – дзеці!” далучыўся і магазін “Смайлік”. Як ужо адзначалася раней, ратавальнікі на некаторы час сталі за прылаўкі разам з прадаўцамі, каб расказаць пакупнікам пра самы важны тавар – бяспеку. З наведвальнікамі магазіна яны праводзяць гутаркі, тэматычныя віктарыны. Бацькам чарговы раз нагадваюць пра тое, што яны самі павінны быць пастаянным прыкладам бяспекі для сваіх дзяцей.
У гутарках з дзецьмі ўзгадваюць правілы бяспечных паводзін дома, на вуліцы, у школе. Хлопчыкі ідзяўчынкі “тэлефануюць” у службу выратавання і паведамляюць пра надзвычайныя здарэнні, складаюць тэматычныя пазлы, адказваюць на пытанні віктарыны.
Па традыцыі, ад арганізатаў акцыі ўдзельнікі атрымоўваюць памятныя падарункі бяспекі: каляровыя лістоўкі, тэматычныя расфарбоўкі і буклеты, закладкі-напаміналкі, расклады заняткаў.
Што ж, наперадзе новы навучальны год, а гэта значыць – новыя веды, новыя знаёмствы, новыя гісторыі, якія абавязкова павінны стаць не толькі цікавымі, але і бяспечнымі!