- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
“Код бяспекі” разгаданы (Мядзельскі раён)
Як вядома, лепшым спосабам барацьбы з небяспечнай сітуацыяй з’яўляецца папярэджанне такой сітуацыі. У цяперашні час наспела жыццёвая неабходнасць развіцця культуры асабістай бяспекі і, у прыватнасці, культуры пажарабяспечных паводзін насельніцтва. Для таго, каб узаемадзеянне выратавальнікаў з насельніцтвам праходзіла цікава і з азартам ў лютым бягучага году Міністэрства па надзвычайных сітуацыях сумесна з Міністэрствам адукацыі Рэспублікі Беларусь, рэдакцыяй газеты “7 дзён” і Нацыянальным цэнтрам мастацкай творчасці дзяцей і моладзі запусціла віктарыну “Код бяспекі”. Тут нельга не сказаць тое, што гэта была пятая віктарына, якая знайшла сваё месца на старонках газеты “7 дзён”.
Што ж гэта за віктарына, спытаецеся вы. А сэнс яе ў тым, што ўдзельнікі ў перыяд з 27 лютага па 11 чэрвеня 2020 года сабіралі “Код бяспекі” – кодавы сказ, які складаецца з слоў, зашыфраваных у крыжаванцы. Сярод удзельнікаў быў і жыхар Мядзельшчыны Фёдар Аркадзьевіч Карпей:
– Увогуле я даўно сябрую з газетай “7 дзён”, нават падзяка ёсць за актыўны ўдзел у конкурсах і віктарынах. Вось і зараз рашыў паспрабаваць свае сілы ў віктарыне “Код бяспекі”. Тым больш, што з выратавальнікамі я знаёмы яшчэ больш чым з газетай, – усміхаецца Фёдар Аркадзьевіч, – так атрымалася, што на працягу многіх гадоў мы былі “суседзямі”, бо аддзел па надзвычайных сітуацыях раней знаходзіўся на вуліцы Пушкіна ў Мядзеле, а я там пражываю. Не ведаю, як адказвалі на пытанні крыжаванкі іншыя ўдзельнікі, але мне прыйшлося прыбегнуць да вялікай колькасці літаратуры, шукаць дапамогі і ў сетцы інтэрнэт і нават ў работнікаў раённага аддзела па надзвычайных сітуацыях. І калі вы мне пазванілі і сказалі, што мяне чакае дыплом і падарунак, я вельмі абрадаваўся.
І вось 4 жніўня “эрудыта ў пытаннях пажарнай бяспекі” Фёдара Аркадзьевіча Карпяя знайшла награда.
– Вельмі прыемна атрымаць узнагароду. Спадзяюся, што не апошнюю, бо і далей быду ўдзельнічаць у конкурсах і віктарынах ад МНС.