- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Неспакойная раніца і выратаванне на пажары (Бярэзінскі раён)
Ратавальнікі дзяжурнага караула №2, што аператыўна прыбылі да месца здарэння, убачылі дым: ён ішоў з балкона адной з кватэр на пятым паверсе дома. Дзверы ў кватэру ніхто не адчыняў, таму зайсці ў кватэру атрымалася толькі пры дапамозе спецыяльнага інструмента. У кватэры мірна спаў 23-гадовы мужчына, а на балконе гарэў матрас, на якім ён нядаўна пакурыў і пакінуў недакурак… Кватэра была ў дыме і жыццё гора-курца магло абарвацца праз атручванне чадам. Ратавальнікі вывелі мужчыну на вуліцу. Ён быў даследаваны медыкамі, стан здароўя здавальняючы. Прычына ўзгарання ў дадзеным выпадку відавочная – неасцярожнае абыходжанне з агнем пры курэнні.
Штогод неасцярожнасць пры курэнні забірае сотні жыццяў у нашай краіне. Часцей за ўсё бяда адбываецца, калі ў тандэме з курэннем ідзе ўжыванне спіртнога. Будзьце асцярожныя пры курэнні, усталюйце ў кожным жылым пакоі пажарны апавяшчальнік. Ён згэагуе пры задымленні, падасць гукавы сігнал і зможа разбудзіць такім чынам чалавека. Ёсць выпадкі, калі гук апавяшчальніка пачулі суседзі і падчас выклікалі пажарных. Вы павінны ведаць, што заўседы можаце разлічваць на дапамогу, калі тэлефануеце па нумарах 101 ці 112. Насамрэч надзейна засцеражэ ад любых надзвычайных сітуацый толькі ваша ўласная асцярожнасць, абачлівасць і веданне правілаў асабістай бяспекі.