- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Новая іміджавая гульневая пляцоўка ратавальнікаў з’явілася ў Беразіно
Утульная
тэрыторыя новага шматкватэрнага
дома для шматдзетных сем’яў у г.Беразіно дапоўнілася на мінулым тыдні адкрытай іміджавай
пляцоўкай службы ратавання.
Тут ёсць машынка і гульневы комплекс з горкай, што нясуць напамін пра нумар службы выратавання. У дом яшчэ не засяліліся новыя гаспадары, а дзеці ўжо ацанілі новую пляцоўку. Звернемся з пытаннем да Насці, што гуляе тут:
– Што гэта за нумар – 101?
– На яго трэба званіць, калі пажар. Я ўжо ведаю лічбы, і пра нумар гэты таксама добра ведаю. Калі пазваніць, то прыедуць ратавальнікі і ўсім дапамогуць. А каб не было пажару, нельга сваволіць з агнем і нельга дзецям даваць запалкі.
Што тут дадаць? Вуснамі дзіцяці гаворыць ісціна. Думаецца, што пляцоўка яшчэ раз нагадае дарослым не пакідаць дзяцей без нагляду і сачыць за іх гульнямі. Нагадае ім і тэлефон службы ратавання, якому трэба навучыць кожнае дзіця.