- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Ва ўсім вінавата…электраправодка (Мядзельскі раён)
У нашым жыцці часта ўзнікаюць рознага роду здарэнні і экстрэмальныя сітуацыі, якія патрабуюць максімальнага напружання волі і сіл, умення хутка ацэньваць тое, што адбылося і выбіраць найбольш эфектыўны спосаб абароны, выратавання, выжывання.
Адной з распаўсюджаных прычын пажараў з'яўляецца парушэнне правілаў бяспекі пры эксплуатацыі электрасетак і электраабсталявання. Няспраўныя электрапрыборы, трухлявая электраправодка, пакінутыя без нагляду электрычныя прыборы - вось невялікі пералік прычын, па якіх можа ўзнікнуць пажар.
У дзевяць гадзін раніцы 30 чэрвеня выратавальнікам Мядзельшчыны паступіла паведамленне аб тым, што ў весцы Азаркі – Пудавінка Мядзельскага сельскага Савета гарыць драўляны, абабіты лістамі бляхі гараж. У выніку пажару пашкоджаны дах на плошчы, сцены і маёмасць гаража. Прычына пажару высвятляецца. Але ўсё ж, верагодней за ўсё, менавіта кароткае замыканне электраправодкі прывяло да загарання.
У адпаведнасці з правіламі пажарнай бяспекі для жылых дамоў, будынкаў і збудаванняў, размешчаных на прыдамавой тэрыторыі, садовых домікаў, гаспадарчых пабудоў і збудаванняў, размешчаных на зямельным участку, выдзеленым для вядзення калектыўнага садаводства, дач, гаспадарчых пабудоў і збудаванняў, размешчаных на зямельным участку , прадастаўленым для дачнага будаўніцтва пры эксплуатацыі электраабсталявання не дапускаецца:
- прымяняць электраабсталяванне не завадскога вырабу;
- пакідаць яго уключаным у электрасетку без нагляду акрамя электраабсталявання, эксплуатацыйнай дакументацыяй на якое дапускаецца яго праца без нагляду;
- выкарыстоўваць электраабсталяванне не па прызначэнні і ва ўмовах, якія не адпавядаюць супрацьпажарным патрабаванням эксплуатацыйнай дакументацыі, з пашкоджаным кабелем (дротам), выключальнікам, разеткамі і іншым электраабсталяваннем;
- перавышаць намінальную токавую нагрузку электрычнага падаўжальніка;
- лямпы напальвання, якія прымяняюцца ў гаспадарчых пабудовах з наяўнасцю гаручых рэчываў і матэрыялаў, павінны быць абсталяваны ахоўнымі каўпакамі з негаручых матэрыялаў.
Беражыце сябе і сваіх блізкіх!