МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Дзеці пад пастаянным кантролем дарослых – так павінна быць (Маладзечанскі раён)
Дзеці – гэта не толькі наша будучыня, але і наша сучаснасць. Менавіта сёння мы павінны зрабіць усё для таго, каб яны мелі магчымасць вырасці прыстасаванымі, парой да жорсткага, свету. Залішнія клопат і агароджа ад рэальнасці толькі шкодзіць падрастаючаму пакаленню. Хлопчыкі і дзяўчынкі павінны ведаць аб магчымых небяспеках, каб пазбегнуць іх.
Хто, як не бацькі, павінны клапаціцца пра тое, каб дзеці не толькі добра засвойвалі ўсе тыя веды, якія дае школа, але і прывучаліся да парадку, дысцыпліне, каб яны выконвалі нормы жыцця нашага грамадства. Што датычыцца пажарнай бяспекі і бяспекі жыццядзейнасці, то ў гэтых пытаннях на дапамогу бацькам прыходзяць работнікі МНС.
Супрацоўнікі Маладзечанскага ГРАНС у рамках акцыі “Не пакідайце дзяцей адных!” з адзінаццатага мая штодня праводзяць тэлефонныя “званкі бяспекі”. Такім чынам вядзецца прафілактычная размова па асновам бяспекі жыццядзейнасці.
“Паважаныя мамы и таты! Некалькі простых саветаў, як навучыць дзіця бяспечным паводзінам: штодня нагадвайце дзіцяці аб правілах бяспечных паводзін; выкарыстоўвайце для гэтага адпаведныя сітуацыі: на вуліцы, у хатняй абстаноўцы, у падарожжы; тлумачце дзіцяці ўсё, што адбываецца вакол, каментуйце, чаму трэба паступаць так, а не інакш; важна памятаць: забарона хутчэй дасць стымул дзіцяці паспрабаваць у вашу адсутнасць тое, што нельга, таму казаць пра бяспеку трэба ў давернай манеры. Ні ў якім разе не пагражаць і не запалохваць. Калі хочаце навучыць дзіця правілам бяспекі, перш за ўсё, выконвайце іх самі. Захоўвайце запалкі, запальніцы ў недаступных для дзяцей месцах. І самае галоўнае – не пакідайце дзяцей без нагляду!”.
Асноўнае пытанне, падчас акцыі “выратавальнік на сувязі”: “Як вы лічыце, ваш дом бяспечны для дзіцяці?” Прыемна адзначыць тое, што амаль усе ведаюць якія прадметы у кватэры могуць быць небяспечнымі для дзіцяці.
Таксама не лішнім было напомніць бацькам, што трэба рабіць, калі адбыўся пажар: выбегчы на вуліцу; пазваніць па тэлефону 101 ці 112 і вызваць выратавальнікаў; паведаміць, што гарыць і свой адрас. Калі пры пажары выйсці з памяшкання немагчыма, неабходна: вызваць выратавальнікаў па тэлефону 101 ці 112; закрыць вокны, заткнуць шчыліны пад дзвярыма мокрымі анучамі; рот і нос прыкрыць вільготнай тканінай; калі ёсць магчымасць, выйсці на балкон і шчыльна прыкрыць за сабой дзверы; калі балкона няма, чакаць дапамогі каля акна, падаючы сігналы выратавальнікам кавалкам яркай матэрыі.
Кожнаму прапанавалі паглядзець разам са сваімі дзецьмі цікавы навучальны мультфільм “Цудоўная кніга”. Спадзяёмся, што мамы і таты будуць выконваць усе парады выратавальнікаў.
Будь готов
Другие новости
