- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Транспартны сродак у агні. Што рабіць? (Мядзельскі раён)
Пажары ў транспарце ідуць па частаце пасля пажараў у кватэрах і прыватных дамах. Асноўнымі прычынамі ўзнікнення няштатнай сітуацыі, як правіла з'яўляецца: няправільная эксплуатацыя (пабочныя матэрыялы ў месцы размяшчэння рухавіка); закрыццё радыятарнай рашоткі гаручымі матэрыяламі ў зімовы перыяд; курэнне ў аўтамабілі; няспраўнасць паліўнай сістэмы. Адна з самых распаўсюджаных прычын - кароткае замыканне электраправодкі.
04 мая 2020 года 23 гадзіны 38 хвілін у цэнтр аператыўнага кіравання Мядзельскага раённага аддзела па надзвычайных сітуацыях паступіла паведамленне аб загаранні легкавога аўтамабіля «Сітраен" 2000 году выпуску. У выніку пажару пашкоджаны салон і маторны адсек аўтамабіля. Пашкоджана лакафарбавае пакрыццё і фара побач стаячага аўтамабіля «Пежо - 605», а таксама лакафарбавае пакрыццё і задняе кола аўтамабіля «Пратон – Персона».
Прычына пажару высвятляецца. Меркаваная версія прычына ўзнікнення пажару – канструктыўны недахоп электраабсталявання (кароткае замыканне электраправодкі).
Пажар у транспарце небяспечны тым, што пачынаецца ён практычна незаўважна. Заўважаюць яго звычайна толькі тады, калі ўжо чуецца пах гару і дыму. Распаўсюджванне жа агню адбываецца ў разы хутчэй, чым у жылых дамах. Увесь працэс займае ад лічаных секунд да 2-3 хвілін. У гэтым выпадку здароўе і жыццё чалавека залежыць не ад дзеянняў выратавальнікаў, а ад выканання кожным з нас правіл паводзін пры пажары на транспарце.
Самае першае з іх – не паддавацца паніцы!
Калі вы заўважылі прыкметы загарання транспартнага сродку, дзейнічайце наступным чынам:
• спыніцеся і заглушыце рухавік аўтамабіля.
• выйдзеце з машыны і высадзіце пасажыраў, пераканайцеся, што яны адышлі на бяспечную адлегласць (не менш за 20 метраў). Іх жа можна папрасіць выклікаць выратавальнікаў па нумары "101" альбо "112";
• калі загаранне невялікае і адбываецца ў стадыі тлення – паспрабуйце патушыць агонь самастойна, выкарыстоўваючы вогнетушыцель, накрываючы ачаг ізаляцыйным матэрыялам, каб абмежаваць доступ кіслароду. З гэтай мэтам можна прымяніць і шчыльнае адзенне. Будзьце асцярожныя, калі падчас здарэння вы працавалі ў гаражы або ў вас прамасленая адзенне альбо рукі: пры тушэнні рызыкуеце загарэцца самі.
• калі пажар пачаўся ў маторным адсеку і незразумела, якой ён сілы, лепш не адчыняйце капот і тэлефануйце па нумары "101" ці "112". Пры спробе патушыць агонь не падымайце накрыўку капота, каб не дапусціць доступу свежага паветра да полымя. Прыпадыміце накрыўку і накіруйце струмень вогнетушыцеля ў вобласць загарання. Лепш гэта рабіць удваіх: адзін падымае накрыўку, другі з дапамогай вогнетушыцеля тушыцьагонь;
• калі пажар пачаўся ў салоне, не адчыняйце вокны і дзверы без неабходнасці. Ад недахопу кіслароду полымя можа патухнуць і перайсці ў стадыю тлення;
• не спрабуйце патушыць вялікі агонь самастойна.
• пры немагчымасці ліквідаваць загаранне адыдзіце ад машыны самі і адвядзіце людзей на бяспечную адлегласць (не менш за 20 метраў), бо можа ўзарвацца паліўны бак;
• і самае галоўнае: заўсёды заставайцеся спакойнымі!