- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Размова пра бяспеку (Нясвіжскі раён)
24 лютага ў ДУА «Сейлавічскі вучэбна-педагагічны комплекс дзіцячы сад - сярэдняя школа" адбыўся агульнашкольны бацькоўскі сход, у якім прыняў удзел начальнік Нясвіжскага раённага аддзела па надзвычайных сітуацыях Віталь Вячаслававіч Бокун.
Ва ўстановах адукацыі Нясвіжскага раёна з'явілася добрая традыцыя - на кожны бацькоўскі сход кіраўніцтва навучальных устаноў запрашае работнікаў МНС для правядзення прафілактычных гутарак з бацькамі і настаўнікамі. Як правіла, на такіх сходах прысутнічаюць прадстаўнікі розных працоўных калектываў, маладыя бацькі і менавіта таму ратавальнікі заўсёды знаходзяць час, каб у чарговы раз нагадаць грамадзянам аб недапушчэнні пакідання малалетніх без нагляду, аб неабходнасці правядзення з дзецьмі навучальных гутарак, растлумачыць пра важнасць выканання правілаў бяспекі і расказаць асноўныя алгарытмы дзеянняў пры ўзнікненні надзвычайых сітуацый.
На бацькоўскім сходзе ў ДУА «Сейлавічскі вучэбна-педагагічны комплекс дзіцячы сад - сярэдняя школа" прысутнічаў начальнік Нясвіжскага раённага аддзела па надзвычайных сітуацыях Віталь Вячаслававіч Бокун. У сваім выступе начальнік РАНС азнаёміў прысутных з становішчам па пажарах і гібеллю людзей на іх, распавёў асноўныя прычыны іх узнікнення і давёў правілы пажарнай бяспекі, якія павінен выконваць кожны чалавек.
Працягваючы размову ратавальнік акцэнтаваў увагу на неабходнасці ўстаноўкі ў домаўладаннях пажарных апавяшчальнікаў, прывёў выпадкі іх станоўчай спрацоўкі. Напрыканцы размовы работнік МНС правёў прэзентацыю мабільнага прыкладання «Помощь рядом» і прадэманстраваў відэафільм «Недетские игры».
У завяршэнні сустрэчы Віталь Вячаслававіч адказаў на пытанні, уручыў удзельнікам сходу наглядна-выяўленчую прадукцыю і заклікаў прысутных быць асабліва ўважлівымі да пытанняў бяспекі.