- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Нагадаць, каб прадухіліць…(Мядзельскі раён)
Людзі даўно навучыліся карыстацца агнём. Спачатку яны ратаваліся ад агню, але потым здагадаліся і пра яго карысныя якасці. Агонь саграваў, абараняў ад драпежнікаў. І з таго часу ён застаецца сталым спадарожнікам чалавека. Але кожны раз, калі чалавек забывае пра асцярожнасць, мірны агонь ператвараецца ў страшнае полымя пажару. Штодня работнікамі МНС праводзяцца рознага роду мерапрыемствы па бяспецы жыццядзейнасці. Вось і панядзелак 27 студзеня не стаў выключэннем.
Выратавальнікі Мядзельшчыны ў рамках другога этапу акцыі “Бяспеку – у кожны дом!” накіраваліся цэнтральную раённую бібліятэку, дзе “дыслакуецца” клуб для пажылых людзей “Задушэўныя размовы”.
- Добры дзень! Зараз у рэспубліцы праходзіць акцыя “Бяспеку – у кожны дом!”. Тэма нашага з вамі дыялогу – “Сакрэт бяспекі”,-з такіх слоў работніка МНС пачалася сустрэча.
Работнікі МНС распавялі слухачам аб статыстыцы пажараў на тэрыторыі раёна, падрабязна растлумачылі, па якіх прычынах адбываюцца пажары ў жылым сектары, як трэба дзейнічаць пры ўзнікненні пажару, па якіх тэлефонах неабходна званіць у выпадку надзвычайнай сітуацыі. Акрамя гэтага выратавальнікі нагадалі асноўныя правілы пажарнай бяспекі ў побыце, а таксама звярнуліся да наведвальнікаў клуба з просьбай быць як мага больш уважлівымі ў абыходжанні з агнём і электрапрыборамі, а таксама патлумачылі асноўныя правілы паводзін пры пажары, асаблівую ўвагу надаўшы спосабу перамяшчэння ў задымленым памяшканні. Акрамя гэтага падчас мерапрыемства быў разгаданы той самы “сакрэт бяспекі”: дзесьці гэта атрымлівалася хутка, а дзесьці прыходзілася паразважаць і задумацца, аднак з рэшты рэшт усё атрымалася на УРА…