- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
У магазін “Трыо” – за ведамі пра бяспеку (Бярэзінскі раён)
Абмяняць тытунь на салодкі падарунак, адказаць на пытанні віктарыны, намаляваць прычыну пажару, знайсці няспраўнасці печкі, разам з дзіцем скласці пазл, атрымаць карысную літаратуру ў падарунак – усё гэта маглі зрабіць бярэзінцы напрыканцы мінулага тыдня ў магазіне «Трыо» горада Беразіно.
Тут прайшоў фінальны этап акцыі ратавальнікаў «Не прапальвай сваё жыццё!». Мэта акцыі – звярнуць увагу людзей на неасцярожнасць пры курэнні як асноўную прычыну вогненных бед і гібелі людзей на пажарах. На першым паверсе магазіна працавалі 3 гульневыя пляцоўкі. На двух юныя ратавальнікі з клуба “Сірэна” Цэнтра дзіцячай творчасці расказвалі, да чаго можа прывесці нядбайна кінуты ў хаце недакурак, і правяралі веды людзей пра ўласную бяспеку. Побач моладзь з РК ГА “БРСМ” прапаноўвала абмяняць цыгарэту на канфету. На працягу ўсей акцыі агучваліся аудыяролікі ад службы ратавання. За 2 гадзіны акцыі наша “супрацьтытунёвая” каманда раздала людзям больш за 200 асобнікаў буклетаў, памятак, блакнотаў, размалёвак ад службы ратавання. Акрамя таго, дзве жмені шкодных цыгарэт бярэзінцы пажадалі абмяняць на цукеркі.