- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Не варта спадзявацца на “авось”… (Мядзельскі раён)
Статыстыка пажараў паказвае – часцей за ўсё яны адбываюцца ад бестурботных адносін да агню саміх людзей. Каб прадухіліць бяду і не дапусціць разгул вогненнай стыхіі работнікі Мядзельскага раённага аддзела па надзвычайных сітуацыях штодня праводзяць пажарна-прафілактычную работу ў жылым сектары. У выхадныя дні гэта работа набывае яшчэ большую актуальнасць.
Так, 1 снежня бягучага года ў ходзе прафілактычных мерапрыемстваў выратавальнікі сумесна з прадстаўнікамі назіральнай камісіі пры Княгінінскім сельскім выканаўчым камітэце правялі гутаркі з насельніцтвам аб неабходнасці захавання правілаў пажарнай бяспекі, праверылі стан электраправодкі і электраабсталявання, спраўнасць аўтаномных пажарных апавяшчальнікаў і пячнога ацяплення. Таксама, падчас дваравых абходаў, праведзена тлумачальная праца аб небяспецы курэння ў ложку, прыведзены прыклады наступстваў неасцярожнага абыходжання з агнем пры курэнні ў нецвярозым стане. Акрамя гэтага работнікі раённага аддзела па надзвычайных сітуацыях кожнаму домаўладальніку ўручылі памяткі аб правілах пажарнай бяспекі, дзеяннях пры ўзнікненні пажару і нумарамі выкліку службы выратавання.
Вынік працы ёсць, але работнікам МНС хочацца большага. Таму аддзел па надзвычайных сітуацыях Мядзельскага раёна нагадвае: у руках кожнага чалавека захаванасць назапашанай ім маёмасці, уласнае жыццё і здароўе блізкіх.