- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пажар - следства бестурботнасці людзей! (Мядзельскі раён)
Статыстыка паказвае, што ў асенне - зімовы перыяд найбольшая колькасць пажараў адбываецца ў прыватным жылым сектары. А асноўнай іх прычынай з'яўляецца непасрэдна чалавечы фактар.
Як вядома пажар лягчэй папярэдзіць, чым яго тушыць. Таму ў мэтах недапушчэння ўзнікнення пажараў па прычыне невыканання грамадзянамі элементарных правілаў пажарнай бяспекі, работнікі Мядзельскага раённага аддзела па надзвычайных сітуацыях сумесна з прадстаўнікамі назіральнай камісіі пры Крывіцкім сельскім выканаўчым камітэце 30 лістапада наведалі домаўладанні грамадзян, якія адносяцца да "групы рызыкі» - жыхароў, схільных да злоўжывання алкаголем, а таксама адзінокіх грамадзян і інвалідаў.
Выратавальнікі ў чарговы раз паказалі грамадзянам на неабходнасць выканання правілаў пажарнай бяспекі. Нагадалі пра тое, што нельга тапіць печы з адчыненымі дзверцамі, сушыць на іх тканіну, дровы і іншыя гаручыя матэрыялы, распальваць печы бензінам і іншымі лёгкаўзгаральнымі вадкасцямі. Сярод насельніцтва распаўсюджвалася наглядна-выяўленчая прадукцыя.
Вынікам бестурботнасці грамадзян становіцца не толькі матэрыяльны ўрон, але і страта жыцця і здароўя чалавека. Каб засцерагчы сябе і сваіх блізкіх ад бяды, неабходна звяртаць увагу на любыя дробязі, а асаблівую ўвагу надаваць пытанням недапушчэння курэння ў жылых памяшканнях, асабліва ў стане алкагольнага ап'янення, сачыць за станам электрычнай праводкі і электрапрыбораў, пячнога ацяплення.