- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Галоўная акцыя ратавальнікаў у Беразіно
Акцыя «Не прапальвай сваё жыццё!» – галоўная акцыя Міністэрства па надзвычайных сітуацыях. Чаму? – нескладана здагадацца. Менавіта неасцярожнасць людзей пры курэнні забірае штогод сотні жыццяў.
У памяшканні бярэзінскага аўтавакзала, на астановачным пункце і ў аўтобусе маршрута №3 прайшлі мерапрыемствы ў рамках названай акцыі. Інспектару прапаганды Бярэзінскага райаддзела па надзвычайных сітуацыях дапамаглі юныя ратвальнікі з клуба “Сірэна” і актывіст РК ГА “БРСМ”. “Так, я куру…” – прыходзіцца чуць ад многіх пасажыраў аўтавакзала. На жаль, амаль усе жанчыны, што прынялі ўдзел у акцыі, прызналіся ў сваёй дрэннай звычцы. А вось мужчыны – наадварот: многія ганарыліся, што даўно супынілі сяброўства з цыгарэтай. Кожны ўдзельнік акцыі – а іх было больш за паўсотні – атрымаў буклеты “Не прапальвай сваё жыццё!” і памяткі пра бяспечную эксплуатацыю печаў. Галоўнае, на што звярталі мы ўвагу пры гутарках з людзьмі – выключная небяспека курэння ў доме ў плане рызыкі ўзнікнення пажару. Пра шкоду для здароўя, натуральна, таксама напаміналі. Усе удзельнікі акцыі атрымалі ад ратавальнікаў цукеркі, буклеты, памяткі і, несумненна, зарад добрага настрою.