- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Калі шмат эмоцый, падарункаў і карысных ведаў – значыць, да вас прыйшлі з акцыяй ратавальнікі! (Бярэзінскі раён)
Эмоцый – шмат! Цікавасць у вачах і ўсмешкі – на тварах у кожнага! Падарункі – абавязкова! Усе гэтыя ўражанні падарылі бярэзінскім дашкольнікам ратавальнікі падчас акцыі “Канікулы без дыму і агню”.
У чарговы раз яны прыйшлі ў ДУА “Санаторны яслі-сад №1 г.Беразіно”, каб пагуляць з дзецьмі ў карысныя і вяселыя гульні. За паўгадзіны мерапрыемства мы паспелі і паразважаць пра прычыны розных няшчасных выпадкаў, і патэлефанаваць ратавальнікам, і пагуляць у мячык, і правільна эвакуіравацца, і атрымаць падарункі. Змена відаў дзейнасці і гульнёвая форма – тыя прынцыпы работы з дзецьмі, якія гарантуюць засваенне інфармацыі і не дазваляюць малым стаміцца. Неўзабаве і самі дзеці прыдуць на экскурсію да ратавальнікаў, каб на свае вочы пабачыць пажарных і іх магутныя аўтамабілі. А пакуль мы чуем напрыканцы акцыі гучнае “дзякуй, што навучылі!”.