МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Лета нашых дзяцей... (Мядзельскі раён)
Летні перыяд нясе ў сабе не толькі радасныя канікулы, магчымасць загараць і купацца, але і высокія рызыкі для дзяцей. Летам дзеці едуць адпачываць у дзіцячыя лагеры, у вёску да бабуль, ходзяць купацца на рэчку і гуляць у лесе – усё гэта ў комплексе з высокай актыўнасцю сонца, нясе розныя пагрозы. Забяспечыць бяспеку дзяцей летам, у першую чаргу, задача дарослых.
З мэтай папярэджання надзвычайных сітуацый, звязаных з узнікненнем пажараў па прычыне дзіцячага свавольцтва з агнём, а таксама гібелі дзяцей на вадаёмах у рамках акцыі “Канікулы без дыму і агню” работнікі Мядзельскага раённага аддзела па надзвычайных сітуацыях штодня наведваюць аздараўленчыя лагеры. А вось 10 ліпеня ўсё адбылося наадварот – выхаванцы аздараўленчага лагера, які дейнічае на базе дзяржаўнай установы адукацыі “Цэнтр творчасті дзяцей і моладзі Мядзельскага раёна”, наведалі пажарную аварыйна-выратавальную часку № 4, што ў пасёлку Нарач.
У гэты дзень з маленькімі дзецьмі была праведзена гутарка аб правілах паводзін пры ўзнікненні розных надзвычайных сітуацый, аб правілах выкліку службы выратавання, былі зададзены пытанні на пажарную тэматыку, на якія рабяты адказвалі з вялікім задавальненнем і энтузіязмам.
Выратавальнікі, прыбыўшыя “па выкліку”, паказалі тэхніку працы з гідраўлічым інструментам, пры дапамозе якога лёгка пераразаліся металічныя пруткі. У працяг паказальных выступленняў дзеці змаглі прымерыць баявое адзенне выратавальніка, пазнаёміцца з прынцыпам работы апарата на сціснутым паветры, убачылі ручныя пажарныя ствалы рознага прызначэння. Найбольшую радасць прысутным прынёс “забаўляльны этап” мерапрыемства: нягледзячы на хмарнае надвор’е, хлопчыкі і дзяўчынкі збівалі мяч напорам вады.
Напрыканцы сустрэчы выратавальнікі пачулі гучнае дзякуй – самае лепшае ўзнагароджанне ад самых удзячных гледачоў.
Будь готов
Другие новости
