- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Што хаваецца за шыфрам 112? (Бярэзінскі раён)
Першая змена аздараўленчага лагера “Папараць-кветка” прыняла бярэзінскіх ратавальнікаў з акцыяй “Канікулы без дыму і агню”. Агульналагерная гульня “Шыфр 112” аб’яднала ўсіх дзетак агульным жаданнем: стаць лепшымі! Паказаць выдатныя веды па бяспецы! Прыбегчы раней за ўсіх! Хутчэй выратаваць умоўнага пацярпелага!.. А яшчэ патушыць умоўнае ўзгаранне, перабрацца праз балота па “купінах”, адказаць на пытанні віктарыны, знайсці выхад з задымленага памяшкання. Ратавальнікам дапамагаў старшыня бярэзінскай арганізацыі ратавання людзей на вадзе Юрый Палянскі і актывісты клуба юных пажарных “Сірэна” Цэнтра дзіцячай творчасці. Яны працавалі на гульнёвых пляцоўках і дабіваліся ад кожнай каманды бездакорнага выканання заданняў. Як і чакалася, эмоцый і азарту было шмат! Па выніках гульні лідарам стала каманда “Патрыёты”, другое месца заваявала каманда “Фантазеры”, два балы ім саступілі дзеці з атрада “Юныя ратавальнікі”. Усе прызеры атрымалі дыпломы ад Беларускай маладзежнай арганізацыі выратавальнікаў-пажарных і карысныя падарункі - буклеты і наклейкі.
Але ж галоўнае – не падарункі і не вяселае праводжанне часу. Самае важнае – нашы дзеці ўспомнілі такія важныя правілы ўласнай бяспекі, якія абавязкова спатрэбяцца ім у жыцці.