- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Размова пра самае каштоўнае… (Мядзельскі раён)
Што такое сям’я? Гэта дом, тата і матуля, родня і блізкія. Яны ніколі не пакінуць у бядзе і не здрадзяць. Сям’я – гэта агульныя клопаты і радасць, любоў і шчасце, тыл і падмурак, на якім будуецца ўсё жыццё. А нараджэнне дзіцяці – гэта самы радасны момант у кожнай сям’і.
У мэтах папярэджання ўзнікнення надзвычайных сітуацый з удзелам дзяцей работнікі Мядзельскага раённага аддзела па надзвычайных сітуацыях падчас правядзення другога этапу акцыі “Не пакідайце дзяцей адных!” направіліся ў радзільнае аддзяленне цэнтральнай раённай бальніцы. Разам з работнікамі МНС будучыя мамы разабралі сітуацыі, у якіх можа апынуцца дзіця, калі бацькі па якой-небудзь прычыне пакінулі яго без нагляду, якія небяспекі могуць чакаць малышоў на кухні, у гасцінай, у прыбіральні і ў дзіцячым пакоі, а таксама ўспомнілі, як гэтага пазбегнуць. Для замацавання матэрыялу напрыканцы сустрэчы ўсе прысутныя змаглі адказаць на пытанні інтэрактыўнай гульні “Веру – не веру” і паглядзець відэафільм “Супер МАМА”.