- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Сумесныя намаганіі ў барацьбе за бяспеку пражывання (Клецкі раён)
Сумесны рэйд з членамі гарадской наглядальнай камісіі наладзілі работнікі Клецкага раённага аддзела па надзвычайных сітуацыях на гэтым тыдні. У цэнтры ўвагі “вартаўнікоў бяспекі” – домаўладання мнагадзетных сем’яў, пенсіянераў, інвалідаў і адзінокапражываючых грамадзян. Разам з супрацоўнікамі Клецкага тэрытарыяльнага цэнтра абслугоўвання насельніцтва і раённага сацыяльна-педагагічнага цэнтра выратавальнікі правялі маніторынг умоў пражывання жыхароў Клецка, якім неабходна дапамога з боку дзяржавы.
Стан пячнога абсталявання, награвальных прыбораў, электраправодкі, наяўнасць АПІ і санітарна-бытавыя ўмовы пражывання – нішто не засталося незаўважаным членамі наглядальнай каміссіі. Не засталіся без увагі і іншыя праблемы, якія гаспадары домаўладанняў агучвалі перад прадстаўнікамі дзяржорганаў, з мэтай знайсці дапамогу і падтрымку. Прадстаўнікі МНС, акрамя абследавання бяспечных умоў пражывання, знаёмілі жыхароў з неабходнасцю адмовы ад спальвання сухой расліннасці і патрабаваннямі пры развядзенні кастроў і ўсталяванні мангалаў.
“Так прыемна, што дзяржава не забывае пра нас, пенсіянераў. Дбае і пра нашу бяспеку. Пасля размоў з выратавальнікамі нават і рука не падымаецца рабіць нешта насуперак правілам, якія яны нам даносяць ”, – падзялілася ўражаннямі ад візіту наглядальнай камісіі адна з жыхарак Клецка. Што ж, калі самі людзі асэнсоўваюць карысць і эфектыўнасць такой работы, то яна павінна быць прадоўжана.