МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Каб не згарэць, дастаткова неабыякавасці… (Бярэзінскі раён)
Увесь люты ў Бярэзінскім раёне будзе праходзіць месячнік пажарнай бяспекі. У рабоце задзейнічаны ўвесь патэнцыял райаддзела па надзвычайных сітуацыях і мясцовых органаў улады. Дапамагаюць і іншыя суб’екты прафілактыкі.
Грамадзяне праінфармаваныя, што ў дзверы могуць пастукацца і міліцыянеры, і работнікі энерганагляду, сацыяльнай і іншых служб. Робіцца гэта з мэтай засцерагчы жыццё людзей і іх маёмасць ад пажараў, праінфармаваць насельніцтва пра прычыны ўзгаранняў, переканаць паставіць у дамах пажарныя апавяшчальнікі, дапамагчы грамадзянам, якія маюць патрэбу ў дадатковай сацыяльнай абароне. Толькі за першы тыдзень месячніка абследаваны 1715 домаўладанняў. Найбольш распаўсюджаныя парушэнні правілаў пажарнай бяспекі, што выяўляюцца, – курэнне ў доме і пакіданне недакуркаў па-за попельніцай, топка печаў з расколінамі і няспраўнымі дзверкамі, пакіданне рэчаў на гарачых ляжанках, перагрузка электрасеткі і пакіданне электрапрыбораў у рэжыме “чакання”, заклейванне шпалерамі электраправадоў. У кожным доме прадстаўнікі службаў пакідаюць буклеты і памяткі пра меры ўласнай бяспекі, а нядобранадзейная сям’я Правалёнак з аграгарадка Мікулічы Паплаўскага сельсавета нават атрымала ў падарунак ад ратавальнікаў пажарны апавяшчальнік. Работа ў жыллі грамадзян працягваецца.
Будь готов
Другие новости
