- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Рубрыка "20 ГАДОЎ ТАМУ НАЗАД"::“Лом, лапата і рукаў са ствалом” (Мядзельскі раён)
Праца выратавальніка - гэта вельмі цяжкая праца. У службе выратавання працуюць смелыя, сумленныя людзі, яны адрозніваюцца асаблівай адвагай і мужнасцю. Заступаючы на змену, каравулы дзейнічаюць адпаведна раскладу дня - гэта заняткі па фізічнай падрыхтоўцы, вучэнні, але калі паступае сігнал трывогі на пажар, дарожна-транспартнае здарэнне або надзвычайную сітуацыю, то пажарныя ў лічаныя хвіліны прыходзяць на дапамогу.
У 2019 годзе Міністэрства па надзвычайных сітуацыях Рэспублікі Беларусь адзначае свой 20-гадовы юбілей. Якімі ж былі гэтыя 20 гадоў мы вырашылі даведацца ў работнікаў Мядзельскага раённага аддзела па надзвычайных сітуацыях.
Дыспетчар цэнтра аператыўнага ўпраўлення Алег Субач у органах і падраздзяленнях па надзвычайных сітуацыях працуе з 1997 года:
- За гэты час змянілася многае. З аргтэхнікі тады на цэнтры быў толькі факс. Тэлефонаграмы даводзіліся толькі па тэлефоне па тэрытарыяльнай прыкмеце:спачатку інфармацыя даводзілася да базавых (куставых) гарнізонаў, а апошнія, у сваю чаргу, даводзілі замацаваным аддзелам. Страявая запіска перадавалася такім жа чынам. Тэхніка у той час напраўлялася па выпісцы з плана прыцягнення сіл і сродкаў. Але мы, калі так можна сказаць, у галаве трымалі і ведалі, якую тэхніку куды напраўляць. На пажар напраўляліся 2 – 3 аўтацыстэрны і добраахвотныя пажарныя каманды, якія на той час былі ў кожным буйным населеным пункце. Спецыяльныя данясення пісаліся ў крайнім выпадку і ў ручную, бо камп’ютараў тады не было. Таму, мабыць, у мяне такі акуратны почырк, - усміхаецца Алег Мікалаевіч.
Наступны суразмоўца вадзіцель пажарнай аварыйна – выратавальнай часці № 1 г.Мядзела Віктар Іванавіч Хацяновіч:
- У органах па надзвычайных сітуацыях служу з лістапада 1994 года. Раней з абсталявання былі толькі “лом, лапата і рукаў са ствалом”, а зараз… і механізіраваны гідраўлічны інструмент, і бензапілы, і бензарэзы, і розныя ствалы. А якія машыны: старэнькія ЗІЛы адыходзяць назад, а ім на змену прыходзяць “дзесяцітоннікі”, аўтамабілі хуткага рэагавання. Раней баявое адзенне было толькі ў начальнікаў змен, камандзіраў аддзялення, пажарных. А цяпер і вадзіцелі апранулі на сябе “баёўкі”. Нажаль у гэты годзе я сыходжу на заслужаны адпачынак, але буду назіраць за новаўвядзеннямі ў сістэме МНС, як той казаў, з па-за.