- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Як жыць бяспечна? (Мінскі раён)
З мэтай папярэджання пажараў і гібелі людзей ад іх па прычыне невыканання правілаў пажарнай бяспекі на працоўным месцы і ў жыллі, работнікі Мінскага раённага аддзела па надзвычайных сітуацыях штодня займаюцца грамадска-масавай працай.
Так, на днях начальнік Мінскага раённага аддзела Станіслаў Івуць сустрэўся з працоўным калектывам ТДА «Астратрэйдынг».
У пачатку мерапрыемства ён правёў прафілактычную гутарку з работнікамі арганізацыі. Да прысутных ён распавёў пра пажары, якія адбыліся на тэрыторыі рэспублікі, вобласці і раёна з пачатку гэтага года. Таксама была звернута ўвага на прычыны пажараў і іншых надзвычайных сітуацый у жылых дамах і кватэрах, звязаных з ацяпляльным сезонам. Станіслаў Іванавіч асобна спыніўся на праблеме гібелі дзяцей. У чарговы раз нагадаў бацькам пра тое, што ні ў якім разе нельга пакідаць дзяцей адных без нагляду. Каб прысутныя звярнулі больш увагі на гэтую тэму, ім быў прадэманстраваны відэаролік «Не дзіцячыя гульні».
«Пасля такога цяжкага роліка і дадаваць нічога не трэба, мне здаецца, тут усё зразумелі, што дзетак без нагляду пакідаць нельга!» - стрымліваючы слёзы выказалася працаўніца.
Далей для таго, каб кожны грамадзянін быў у курсе неспрыяльных прагнозаў надвор'я і меў пад рукой інфармацыю, як дзейнічаць у любой няштатнай сітуацыі начальнік аддзела распавёў прысутным аб мабільным прыкладанні «МНС Беларусі. Дапамога побач».
Не лішнім было нагадаць і аб правілах выкарыстання першасных сродкаў пажаратушэння.
«Каб прывесці ў дзеянне вогнетушыцель неабходна сарваць пломбу, выдраць чэку, накіраваць раструб на ачаг узгарання і націснуць на рычаг. Гэтак жа неабходна памятаць, што вогнетушыцель павінен захоўвацца ўдалечыні ад ацяпляльных прыбораў і прамых сонечных прамянёў, у месцах, недаступных дзецям», - распавёў Станіслаў Івуць.
У завяршэнні мерапрыемства ўсе жадаючыя задалі пытанні, на якія атрымалі пісьменныя і зразумелыя адказы.