МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Упэўнена крочым наперад! (Клецкі раён)
Падвядзенне вынікаў працы за мінулы год – традыцыйнае мерапрыемства, мэтай якога з'яўляецца дэталёвы аналіз усіх напрамкаў дзейнасці гарнізона і вызначэнне перспектыў далейшага развіцця. Так, 10 студзеня ў Клецкім раённым аддзеле па надзвычайных сітуацыях адбылася выніковая нарада, у якой прыняў удзел першы намеснік начальніка Мінскага абласнога ўпраўлення МНС Уладзімір Янчык.
Аб тым, якая работа праводзілася ў 2018 годзе асабовым складам аддзела, наколькі высокая яе выніковасць, якія напрамкі дзейнасці патрабуюць дэталізацыі і дапрацоўкі – усё гэта ў сваім дакладзе агучыў начальнік Клецкага РАНС Уладзімір Міхайлавіч Вашкевіч.
Кожны праблемны момант прысутныя ў зале прадстаўнікі афіцэрскага складу аддзела прааналізавалі, унеслі прапановы па вызначэнні шляхоў іх вырашэння.
Завяршаючы нараду, Уладзімір Анатольевіч адзначыў, што каб упэўнена крочыць наперад, кожны работнік павінен быць дысцыплінаваны, праяўляць ініцыятыву ў любой справе, працаваць на перспектыву, думаючы аб тым, што праца, праведзеная сёння, павінна стаць зачынам для дасягнення станоўчых вынікаў заўтра.
У гэты ж дзень першы намеснік начальніка ўпраўлення пабываў з візітам у Клецкім філіяле адкрытага акцыянернага таварыства “Слуцкі сыраробчы камбінат”, дзе была арганізавана сустрэча з працоўным калектывам прадпрыемства. У сваім выступе Уладзімір Анатольевіч зрабіў акцэнт на важнасці і неабходнасці вывучэння правіл бяспекі жыццядзейнасці ўсімі катэгорыямі грамадзян, асабліва падрастаючым пакаленнем. Былі прывёдзены лічбы статыстыкі МНС, растлумачаны прычыны вогненных здарэнняў і тыя меры, якія неабходна прыняць, каб не дапусціць пажараў. Былі прыведзены і прыклады рэальных трагедый, якія здарыліся на тэрыторыі раёна і вобласці. Асобная тэма, якой была нададзена ўвага – бяспека дзяцей, неабходнасць пільнага кантролю за іх гульнямі, недапушчэнне пакідання іх адных. У ліку значных тэм – эфектыўнасць пажарных апавяшчальнікаў, алгарытм дзеянняў пры пажары, мабільны дадатак “Дапамога побач” і іншыя.
Прысутным прадэманстравалі відэафільм, у якім падрабязна паказана, як неабходжна дзейнічаць, калі пачаўся пажар, пасля раздалі наглядна-выяўленчую прадукцыю па правілах бяспечных паводзін.
Будь готов
Другие новости
