МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Рубрика " 20 ЛЕТ СПУСТЯ": "в эфире" спасатели Стародорожчины
2019 год - юбілейны для МНС Беларусі. І падводзячы вынікі працы, мы традыцыйна ацэньваем затрачаныя намаганні і паспяховасць вынікаў, адзначаем станоўчыя моманты. І за 20 гадоў сваёй гісторыі Міністэрства на справе паказала здольнасць аператыўна рэагаваць на любую пагрозу, любую надзвычайную сітуацыю, якой бы складанай яна не была. Імкненне быць лепшымі, чым учора, рухацца толькі наперад - не проста словы - лозунг Старадарожскіх ратавальнікаў, на ліку якіх дзесяткі выратаваных жыццяў, сотні ліквідаваных пажараў.
На сённяшні дзень штатная колькасць супрацоўнікаў аддзела складае 68 чалавек. Аддзелу падпарадкаваны пажарная аварыйна-выратавальная часць №1 г. Старыя Дарогі і 4 пажарных аварыйна-выратавальных паста. На ўзбраенні аддзела маецца 12 адзінак сучаснай баявой і рэзервовай тэхнікі, якая ўкамплектавана неабходным на сённяшні час абсталяваннем і інструментам. Але так было не заўсёды.
- Я застаў тыя часы, калі на пажарах падсвечвалі самаробнымі ліхтарамі, прадстаўляеце… Але ішлі гады, развівалася служба, раслі тэхнічныя магчымасці, павялічвалася прафесійнае майстэрства пажарнікаў. Вядома, усе змены як на далоні: паглядзіце на красаўцы- дзесяцітоннікі, якія стаяць на фасадзе часткі. 20 гадоў таму назад пра такую тэхніку мы маглі толькі марыць - успамінае начальнік варты ПАЧС № 1 г.Старые Дарогі капітан унутранай службы Сяргей Шэшка. - А якое зараз абсталяванне! Замест ручных піл і нажовак - сучасны інструмент - бензапілы, бензаагрэгаты, гідраўлічны інструмент, сродкі выратавання на вадзе.
- Хочацца дадаць, наколькі палепшылася абмундзіраванне ратавальнікаў. На сённяшні дзень «баёўка» - надзейная абарона вогнеборца на пажары, таксама маюцца касцюмы для ліквідацыі хімічных аварый і зняцця гнёздаў жалоносных насякомых. У такой абароне не страшна ні ў агонь, ні ў ваду, - дапаўняе камандзір аддзялення ПАСЧ №1 г.Старые Дарогі старшы прапаршчык унутранай службы Аляксандр Барнюк.
- Дала сваі плады праца, якая праводзіцца на працягу некалькіх гадоў па праграме "Пост", падчас якой адрамантаваны фасады будынкаў, праведзена замена вокнаў, дзвярэй, устаноўлены ралеты ў гаражныя боксы, адрамантаваны памяшканні кухань і сан.вузлоў. Мы зрабілі ўсё магчымае для таго, каб супрацоўнік, прыйшоўшы на працу, адчуваў сябе максімальна камфортна, - адзначыў начальнік ПАЧС № 1 г.Старые Дарогі маёр унутранай службы Алег Желдак.
- А ў цэлым, галоўнае наша дасягненне - зніжэнне колькасці пажараў і гібелі людзей на іх, - падвёў вынік начальнік аддзела маёр унутранай службы Уладзімір Усеня. - Дзякуючы плённай прафілактычнай рабоце і граматнай па ліквідацыі надзвычайных сітуацый, колькасць пажараў і загінуўшых людзей на іх за 20 гадоў знізілася ў некалькі разоў. Аднак і гэтыя лічбы статыстыкі адрозныя ад нуля, а значыць, нам ёсць куды імкнуцца!
Будь готов
Другие новости
