- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Бяспечна там, дзе не парушаюць правілы! (Клецкі раён)
Ёсць вядомая прыказка: «Чыста не там, дзе прыбіраюць, а там, дзе не смеццяць». З большага гэтую прыказку можна ўжыць і да тэматыкі бяспекі, бо часцей за ўсё надзвычайныя адбываюцца там, дзе правілам бяспекі не толькі не надаюць належнай увагі, але яшчэ і парушаюць іх.
На гэту тэму размаўляла з работнікамі Клецкай раённай ветэрэнарнай станцыі інспектар прапаганды і ўзаемадзеяння з грамадскасцю Вольга Іванейчык. Яна адзначыла, што многія грамадзяне сталі больш уважлівымі, больш асцярожнымi пры абыходжанні з агнём, больш адказнымі пры забеспячэнні пажарабяспечнага стану сваіх домаўладанняў. Аднак поруч з гэтай станоўчай тэндэнцыяй, на жаль, па-ранейшаму ёсць некаторыя "але"...
Па-ранейшаму ў агні часцей за ўсё гінуць людзі, якія вядуць асацыяльны лад жыцця, якія дапускаюць курэнне ў доме, у ложку; па-ранейшаму пажары адбываюцца ў тых дамах, дзе жывуць нядбайныя гаспадары, якія не жадаюць выконваць патрабаванні пажарнай бяспекі; па-ранейшаму безадказныя бацькі пакідаюць без нагляду дзяцей, захоўваюць небяспечныя прадметы ў даступных для дзяцей месцах.
Работнік МНС адзначыла, што толькі сам чалавек нясе адказнасць за спраўнасць ў доме электраабсталявання і электраправодкі, печаў і іншых цеплагенерыруючых прылад, і ўжо тым больш, за іх правільную эксплуатацыю і выкарыстанне. Пажар з-за кароткага замыкання – значыць, гаспадар домаўладання своечасова не адрамантаваў старую праводку, дазваляў яе эксплуатацыю з наяўнасцю ў ёй скрутак, жучкоў, або з адсутнасцю засцерагальнікаў. Пажар пачаўся з-за пячнога абсталявання – значыць, печ не была своечасова адрамантаваная, эксплуатавалася з расколінамі каля топкі або ў коміне, адсутнічаў ліст перад топкай, ці проста топка вялася бескантрольна, дапускаўся перакал печы.
Асаблівую увагу інспектар прапаганды звярнула на тэму неасцярожнага абыходжання з агнём пры курэнні. Яна нагадала, што гэта адна з самых распаўсюджаных прычын пажараў. Пры гэтым большасць загінулых на такіх пажарах людзей знаходзяцца ў стане алкагольнага ап'янення. І ў такіх выпадках гаворка ідзе не толькі аб пагардзе правіламі бяспекі, а пра нядбайнае стаўленне людзей, якія дапускаюць курэнне ў ложку, да самога жыцця і, што яшчэ страшней, жыцця родных і блізкіх. Пацверджанне таму – шматлікія трагічныя прыклады з рэальнага жыцця. Прагляд відэафільма “Ахвяры загубнай звычкі” толькі пацвердзіў словы работніка МНС. Пасля Вольга Анатольеўна рассказала прысутным пра акцыю “Не прапальвай сваё жыццё!” і новую кампанію “Не чакай белачку – тушы недакурак” і заклікала ўсіх быць уважлівымі і асцярожнымі ў любых жыццёвых абставінах, каб не стаць ахвярай той ці іншай надзвычайнай сітуацыі.