МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Вывучаем “Азбуку бяспекі” у новай школе (Мядзельскі раён)
Як вядома, лепшым спосабам барацьбы з небяспечнай сітуацыяй з'яўляецца папярэджанне такой сітуацыі. У цяперашні час наспела жыццёвая неабходнасць развіцця культуры асабістай бяспекі, і ў прыватнасці культуры бяспекі жыццядзейнасці. І гэтыя пытанні для дзяцей вельмі важныя. Таму дарослыя павінны надаваць ім належную ўвагу.
Як правіла, калі ўзнікае пажар, то гэта здараецца раптам і агонь распаўсюджваецца вельмі хутка. Калі падчас купання, напрыклад, звяло нагу сударагай і ты пачынаеш тануць, то тут таксама нельга медліць. Не разгубіцца ў той ці іншай сітуацыі бывае амаль што немагчыма, а калі ў дзіцяці недастаткова ведаў, то абставіны могуць развівацца па найгоршаму сцэнарыю. Выратавальнікі заўсёды шукаюць новыя, крэатыўныя формы і метады данясення “бяспечнай” інфармацыі да насельніцтва.
9 лістапада адбылася радасная падзея для жыхароў аграгарадка Занарач: тут адкрыла свае дзверы новая установа адукацыі. У аднапавярховым будынку размясціліся сучасныя класы, спартыўны зал. Ва ўстанове абарудавана таксама некалькі рэкрэацый , адна з іх – “Азбука бяспекі”, якая будзе спрыяць фармаванню ў хлопчыкаў і дзяўчынак пачатковых класаў навыкаў бяспечных паводзін. Аб тым, якія правілы неабходна выконваць, каб не дапусціць пажару раскажа стэнд з інфармацыяй супрацьпажарнай накіраванасці. Аб правілах паводзін на водных аб’ектах у летні і зімні час нам падрабязна раскажа наступны стэнд. Аб тым, што будаўнічыя пляцоўкі, бяздомныя жывёлы, незнаёмыя людзі, адчыненыя вокны і многае іншае тояць у сабе небяспеку – наступны стэнд. Хто з дзяцей не любіць мультфільмыЛюбяць не толькі дзеці, але і дарослыя. Для гэтага на нашай рэкрэацыі ўсталяваны тэлевізар, які будзе дэманстраваць відэаролікі па асновах бяспекі жыццядзейнасці і, канечне ж, мультфільм “Чароўная кніга”.
Выходзім на вуліцу – а там іміджавая пляцоўка МНС, на якой ўжо ў першы дзень сабралася шмат дзетвары.
– Мы вельмі рады, што ў нас цяпер ёсць новая школа. У нас шмат тут чаго цікавага, а самае галоўнае – сучаснага і бяспечнага. Напрыклад на вулічнай пляцоўцы можна не толькі пагуляць з сябрамі, але і ўспомніць правілы бяспекі, – кажа адзін з вучняў.
Будь готов
Другие новости
