- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пра бяспеку кожны дзень! (Стаўбцоўскі раён)
Як ужо не раз адзначалася, бяспекі шмат не бывае. А калі звярнуцца да статыстыкі, то можна сцвярджаць – пра бяспеку неабходна размаўляць кожны дзень. Менавіта таму работнікі Стаўбцоўскага раённага аддзела па надзвычайных сітуацыях працягваюць сустрэчы бяспекі ў працоўных калектывах, таксама на бацькоўскіх сходах.
Так, чарговую сустрэчу бяспекі з бацькамі ратавальнікі правялі ў Рочавічскім вучэбна-педагагічным комплексе.
-Канешне, пра правілы пажарнай бяспекі кожны з вас ведае і, мы так спадзяемсяся, імкнецца іх выконваць, - зазначыў у сваім выступленні прадстаўнік службы выратавання. – У той жа час вы кожны дзень сустракаецеся з дзецьмі і маеце магчымасць яшчэ і яшчэ раз нагадаць падрастаючаму пакаленню пра бяспеку. Вы, як ніхто, разумееце: ведаў шмат не бывае, асабліва ведаў у галіне бяспекі. Канешне, ратавальнікі заўсёды побач і прыйдуць на дапамогу ў любы момант. Але нам хочацца, каб такіх момантаў было менш.
Прысутным у чарговы раз былі растлумачаны патрабаванні правілаў пажарнай бяспекі для жылля, яшчэ раз нагадалі пра аўтаномны пажарны апавяшчальнік і яго “выратальныя магчымасці”. Акрамя таго, слухачам нагадалі алгарытм дзеяння на выпадак узнікнення пажара. Не засталася без увагі і праблема падрыхтоўкі да ацяпляльнага сезону. Канешне, яшчэ і яшчэ раз ратавільнікі акцэнтавалі ўвагу на пытаннях бяспекі дзяцей. Значная ўвага падчас выступлення была нададзена і мабільнаму дадатку “МНС Беларусі: дапамога побач”.
Будзем спадзявацца, што кожная такая сутрэча – гэта на самой справе крок насустрач бяспецы. Давайце крочыць разам … да бяспечнага і шчаслівага жыцця!