- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Лялечныя прадстаўленні для малодшых школьнікаў праходзяць у Беразіно
На базе бярэзінскага раённага цэнтра культуры працуе ўзорны лялечны тэатр “Сюрпрыз”. З задавальненнем прыходзяць сюды займацца школьнікі сярэдніх класаў, з не меншай радасцю глядзяць спектаклі дашкольнікі з дзіцячых садкоў Беразіно.
Так, спектакль “Злая запалка” паглядзелі выхаванцы цэнтра развіцця дзіцяці “Крынічка”. Мерапрыемства распачала інспектар прапаганды райаддзела па надзвычайных сітуацыях. Яна правяла гульню з дзецьмі, а далей пачалося самае цікавае! У аснове сюжэта пастаноўкі – гісторыя пра свавольства з запалкамі ката Абармота, гульні якога прывялі да ляснога пажара і знішчылі домік Ваверкі. Далей казка распавядае, як лясныя жыхары дапамагаюць Ваверцы аднавіць домік, а Абармот просіць прабачэння і абяцае выправіцца. Усмешкі дзяцей, іх плясканне ў далонькі і шырока расчыненыя вочкі – лепшая падзяка нашым акцерам! Навучанне мерам бяспекі з самага маленства, прывіццё разумення каштоўнасці жыцця – галоўныя мэты, што павінны ставіць мы, дарослыя, у працэсе выхавання дзяцей. Бацькам і педагогам дапамогуць у гэтым работнікі культуры і ратавальнікі.