- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Аглядальныя камісіі: дапамога, прафілактыка, аналіз (Мядзельскі раён)
Вялікае значэнне надаецца на Міншчыне прафілактыцы пажараў і іншых надзвычайных здарэнняў, а таксама папярэджанню падчас іх гібелі людзей. Не выключэнне і Мядзельскі раён. З гэтай мэтай актывізуюць сваю дзейнасць работнікі раённага аддзела па надзвычайных сітуацыях, а таксама аглядальныя камісіі, якіх у азёрным краі дзесяць.
Сумесная праца са старшынямі выканаўчых камітэтаў, прадстаўнікамі жыллёва: камунальнай гаспадаркі, газавай службы, адукацыі - дае адчувальныя вынікі. І ўсё ж праблемы ў гэтай важнай справе ёсць. Яны асабліва датычацца асоб, якія трапляюць у так званую групу рызыкі. Тут павінен быць асаблівы кантроль і аналіз сітуацыі. Мінулы тыдзень, акрамя штодзённай работы, быў прысвечаны навучанню прадстаўнікоў аглядальных камісій раёна.
– Мы сабраліся, каб зрабіць акцэнт і своечасова паўплываць на ліквідацыю прычын, якія могуць выклікаць гібель людзей, яшчэ раз скаардынаваць дзеянні ўсіх суб'ектаў прафілактыкі, - адзначылі падчас сустрэчы работнікі МНС. - Вызначыць, што робіцца для стабілізацыі становішча, наколькі эфектыўныя меры, наколькі зладжана працуюць усе службы і падраздзяленні, ці няма прабелаў у сістэме ўзаемадзеяння.
Акрамя гэтага выратавальнікі падкрэслілі, што ў гэтай працы недапушчальны фармалізм. З надыходам ацяпляльнага сезона пільную ўвагу варта надаць абследаванню стану газавых катлоў і пячнога ацяплення ў прыватных дамах, бо няспраўныя печы могуць стаць прычынай узгарання. Да трагедыі прыводзіць і злоўжыванне алкаголем. Таму асобы, якія вядуць асацыяльны лад жыцця, павінны быць ўзяты на асаблівы кантроль. Важна не пакінуць па-за ўвагай адзінокіх пажылых людзей, якім цяпер вельмі патрэбныя дапамога і падтрымка.
Увогуле мы павінны “усім светам” стварыць бяспечныя ўмовы для жыцця грамадзян. Толькі неабыякавасць кожнага і найцеснае ўзаемадзеянне ўсіх структур і падраздзяленняў дапаможа паўплываць на якасць прафілактычнай работы.