- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Сярод людзей і папер… (Мядзельскі раён).
6 ліпеня 2020 года ў Мядельскім раённым аддзеле па надзвычайных сітуацыях адбылося невялічкае мерапрыемства. З якой нагоды, спытаецеся вы? А я вам адкажу. Ніна Мікалаеўна Мялешка– старшы інспектар групы справаводства раённага аддела па надзвычайных сітуацыях адправілася на заслужаны адпачынак. А працавала жанчына тут трыццаць пять год, а гэта, можна сказаць, цэлая эпоха…
Адразу пасля школы дзяўчына вырашыла звязаць сваё жыццё з культурна-асветніцкай дзейнасцю. Для гэтага паступіла ў адну з навучальных устаноў, але не склалася, хутка вярнулася дамоў ды пайшла працаваць. Працоўная дзейнасць Ніны Мікалаеўны пачыналася з вязальшчыцы у Доме быту ў Мядзеле, потым працавала аператарам паштова-тэлеграфнай сувязі вузла сувязі, крыху пазней перайшла на працу у раённае аб’яднанне “Сельгастэхніка”, дзе адпрацавала каля дзесяці гадоў. А ў 1985 годзе дазналася, што ў мясцовым аддзяленні пажарнай аховы вызвалілася месца спецыяліста па кадрах.
Ніна Мікалаеўна ніколі не пашкадавала, што зрабіла ў жыцці такі выбар. І нават тое, што тут амаль не было жанчын, не спалохала яе. Наадварот, у мыжчынскім калектыве працавалася лягчэй. Са слоў жанчыны: “Мужчыны больш разважлівыя, не такія эмацыянальныя, а калі каго што не задавальняе, то могуць прыйсці і сказаць прама ў вочы”. За столькі гадоў кожны з іх стаў для Ніны Мікалаеўны сваім, родным.
Аднойчы давялося Ніне Мікалаеўне пабываць і на сапраўдным пажары, не на самым страшным, але ўражанняў і так хапіла. У той момант яшчэ больш запаважала сваіх калег.
– А ў мяне што? Адны паперы. Для справаводства смеласць не патрэбна. Работа настолькі пранікае ў душу, што і дома імкнуся, каб ўсе было пад кантролем. Нават на тэлефонны званок бывае адказваю: “Аддзел па надзвычайных сітуацыях”, – рассказвае Ніна Мікалаеўна. – Галоўнае, што работа ёй вельмі падабалася.