- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Станоўчыя эмоцыі ад вілейскіх ратавальнікаў
Супрацоўнікі Вілейскага раённага аддзела па надзвычайных сітуацыях правялі вучэбна-выхаваўчую сустрэчу са школьнікамі ў рамках рэспубліканскай прафілактычнай акцыі «Канiкулы без дыму і агню".
Ні для каго не сакрэт, што для дзяцей у перыяд працы летніх аздараўленчых лагераў сустрэчы з работнікамі МНС ужо сталі аднымі з самых яркіх і чаканых мерапрыемстваў, якія праходзяць у цікавай форме.
Пачалося мерапрыемства з дэманстрацыі аварыйна-выратавальнай тэхнікі. Ратавальнікі паказалі, як карыстацца аварыйна-выратавальным інструментам і іншым пажарным абсталяваннем. Усе жадаючыя змаглі прымерыць баявую вопратку і апынуцца за рулём баявой машыны.
Пасля пазнавальнай экскурсіі хлопцы і дзяўчаты адправіліся на паласу перашкоджванняў, дзе кожны змог адчуць частку фізічнай нагрузкі, з якой сутыкаюцца ратавальнікі.
Далей "юныя ратавальнікі" падзяліліся на 2 каманды і прыняліся выконваць заданні ад ратавальнікаў. Удзельнікам мерапрыемства трэба было праявіць усе свае веды бяспекі жыццядзейнасці, мысленне, логіку, спрыт і хуткасць. Да праходжання гульні кожная каманда паставілася з поўнай адказнасцю. Усе беспамылкова адказалі на падрыхтаваныя інспектарам пытанні.
У завяршэнні удзельнікі мерапрыемства атрымалі заахвочвальныя прызы ад ратавальнікаў і зрабілі дружны фотаздымак на фоне пажарнай машыны. Мы ўпэўнены, што гэты дзень падараваў хлапчыкам і дзяўчынкам толькі станоўчыя эмоцыі!