- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Вось яно якое, наша лета! (Стаўбцоўскі раён)
Мабыць, ніхто не будзе спрачацца з тым, што ўсіх нас аб’ядноўвае адно жаданне – жаданне, каб нашы дзеці раслі здаровымі і шчаслівымі, а дзяцінства іх было бяспечным. На вялікі жаль, быць побач з дзецьмі кожную хвіліну і кантраляваць кожны іх крок мы не можам. Аднак, бацькі могуць зрабіць усё магчымае, каб данесці да сваіх малых непасед разуменне таго, “што такое добра” і “што такое дрэнна”. А калі штосьці ў матулі ці татулі не атрымоўваецца – на дапамогу прыйдуць ратавальнікі.
Так, напрыклад, у рамках акцыі “Канікулы без дыму і агню” работнікі Стаўбцоўскага раённага аддзела па надзвычайных сітуацыях наведалі выхаванцаў школьнага лагера “Крынічка”, які працуе на базе ДУА “Мікалаеўшчынскі ВПК дзіцячы сад – сярэдняя школа”.
Па традыцыі, госці ў форме прапанавалі хлопчыкам і дзяўчынкам “не слухаць пра правілы, а гуляць у правілы”. Канешне, дзетвара пагадзілася з такой прапановай. Такім чынам, “заняткі бяспекі” прайшлі цікава і з карысцю. Выхаванцам у гульнявой форме нагадалі, як сябе весці, каб не дапусціць надзвычайных сітуацый, узгадалі асноўныя правілы бяспечных паводзін – дома, на вуліцы, каля вадаёмаў. Удзельнікі мерапрыемства складалі тэматычныя пазлы, шукалі “пары бяспекі”, знаёміліся са “знакамі-дапаможнікамі” і ператваралі небяспечную кватэру ў бяспечную.
Канешне, у канцы сустрэчы на памяць кожнаму выхаванцу падарылі размалёўкі, тэматычныя буклеты і нават “бяспечныя расклады заняткаў” (каб і новы навучальны год праходзіў без дыму і агню).
Што, ж яшчэ адно мерапрыемства ў рамках акцыі “Канікулы без дыму і агню” засталося ў мінулым. Але мы крочым далей – наперад, да новых бяспечных сустрэч!