МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Электрапрыборы: надзейныя сябры ці небяспечныя ворагі? (Нясвіжскі раён)
Прычынай кожнага шостага пажару ў Мінскай вобласці з'яўляецца парушэнне правілаў мантажу і эксплуатацыі электрасетак і электраабсталявання. Цяжка ўявіць сённяшняе жыццё без такіх звыклых прадметаў, як мабільны тэлефон, халадзільнік, пральная машына, тэлевізар і цяплавы вентылятар - усе яны сталі для нас надзейнымі памочнікамі ў побыце. Але, будучы надзейнымі спадарожнікамі чалавека, электрапрыборы могуць не толькі прыносіць карысць, але і шкоду: напрыклад, прывесці да пажару.
Для выключэння падобных інцыдэнтаў у вашым доме выконвайце неабходныя меры бяспекі:
- не перагружайце электрасетку. Чым менш электрапрыбораў працуе адначасова, тым бяспечней;
- для выключэння ўзгарання электрапрыбораў з-за скокаў і перападаў напружання ў сетцы карыстайцеся сеткавымі фільтрамі;
- не выкарыстоўвайце электрапліткі і абагравальнікі з адкрытай спіраллю;
- не пакідайце без нагляду ўключаныя электрапрыборы;
- рэгулярна выдаляйце з задняй сценкі халадзільніка пыл;
- не пакідайце побач з электрычнымі прыборамі лёгкаўзгаральныя матэрыялы;
- не дапускайце знаходжання на працяглы час тэлевізара ў рэжыме чакання. Гэта ж правіла тычыцца і падзарадкі мабільных тэлефонаў альбо планшэтаў. Завяршыўшы зарад батарэі, зарадныя прылады варта выняць з разеткі.
Перад тым як выкарыстоўваць электрапрыбор, уважліва вывучыце інструкцыю па яго эксплуатацыі і строга вынікайце яе патрабаванням. Але калі тэлевізар, электрачайнік і іншыя электрапрыборы дастаткова выключыць з разеткі, то як жа быць з халадзільнікам? Тут незаменным памочнікам можа стаць аўтаномны пажарны апавяшчальнік. Нават калі гаспадароў не будзе дома, яго гук змогуць пачуць суседзі і падняць трывогу.
Асноўныя правілы, якіх трэба прытрымлівацца, каб засцерагчы сябе як ад пажару, так і ад электрычных удараў:
- калі пры ўключэнні або выключэнні бытавой тэхнікі ў разетку вы бачыце іскры, разеткі награваюцца пры ўключэнні ў сетку бытавой тэхнікі - гэта прыкмета слабых кантактаў. Лепшы спосаб прадухіліць пажар - замяніць разетку. Памятаеце, што аўтаматычныя засцерагальнікі абараняюць ад кароткіх замыканняў, але не ад пажару;
- танныя разеткі і падаўжальнікі шматкроць павялічваюць рызык пажару. Не эканомце на бяспецы і купляйце толькі сертыфікаванае абсталяванне;
- падаўжальнікі прызначаныя толькі для кароткачасовага падлучэння бытавой тэхнікі, адразу пасля выкарыстання яго неабходна адключаць ад разеткі. Нельга пракладваць кабель падаўжальніка пад дыванамі, праз дзвярныя парогі. Падаўжальнікамі з пашкоджанай, патрэсканай ізаляцыяй карыстацца нельга;
- калі пры ўключэнні электрапрыбора асвятленне становіцца ледзь цямней, гэта дакладная прыкмета таго, што электрасетка перагружаная, а гэта - прадвеснік пажару. У дадзеным выпадку трэба неадкладна выклікаць электрыка;
Пералічваць рэкамендацыі ў дачыненні электрапрыбораў можна бясконца. Застаецца толькі адзначыць, што кожны чалавек сам нясе адказнасць за ўласнае жыццё. І толькі выконваючы правілы, можна папярэдзіць надзвычайныя сітуацыі і непапраўныя страты. Бережыце сябе! У выпадку ўзнікнення пажару - неадкладна тэлефануйце на нумар 101 або 112.
Будь готов
Другие новости
