- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Рэйды бяспекі (Валожынскі раён)
З мэтай папярэджання ўзгаранняў па прычыне выпальвання сухой расліннасці, а таксама некантралюемага выпальвання смецця і невыканання правілаў пры развядзенні вогнішчаў, работнікі Валожынскага раённага аддзела па надзвычайных сітуацыях адправіліся ў чарговыя прафілактычныя рэйды па населеных пунктах i садовых таварыствах раёна.
«Пра тое, што выпальванне сухой расліннасці і траў на корані катэгарычна забаронена, а часам прыводзіць да пажараў, ведаюць усе, аднак кожны год дзясяткі людзей парушаюць правілы бяспекі, кідаюць запалкi ў сухастой, каб хутка навесці парадак”, – адзначалi ратавальнікі падчас рэйдаў.
Праводзячы прафілактычныя размовы з насельніцтвам, прадстаўнікі МНС у першую чаргу заклікалi грамадзян катэгарычна адмовіцца ад хуткага, але вельмі небяспечнага спосабу навядзення парадку, як спальванне сухой травы і смецця. Не забывалiся нагадаць жыхарам і аб адміністрацыйнай адказнасці, якая пагражае ў выпадку невыканання правілаў пажарнай бяспекі.
«Спальванне смецця на тэрыторыі домаўладання не забаронена. Аднак неабходна выконваць правілы бяспекі: падрыхтаваць пляцоўку, абкапаць яе, забяспечыць вогнетушыцелем або ёмістасцю з вадой аб'ёмам не менш за 10 літраў і штыкавой лапатай. Мінімальная адлегласць ад будынкаў і збудаванняў павiнна быць не менш за 10 метраў. А перад тым, як пакінуць месца развядзення вогнішча, неабходна патушыць ачаг да поўнага спынення тлення”, – нагадвалi прадстаўнікі МНС.