- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Пра тое, як неабачлівасць чалавека магла каштаваць чалавеку жыцця… (Бярэзінскі раён)
Ноччу ў нядзелю 29 сакавіка ў весцы Гарэнічы Капланецкага сельсавета Бярэзінскага раёна здарыўся пажар, на якім цудам уцалеў чалавек. Як высветлілася, напярэдадні пажару 38-гадовы мужчына займаўся звычайнымі хатнімі справамі. Распаліўшы печку, ён лег спаць. А прачнуўся ад таго, што стала цяжка дыхаць – гарэў неабачліва пакінуты на печцы матрас. Гаспадар сам пакінуў дом, але яшчэ пэўны час марудзіў з выклікам пажарных: панікаваў, спрабаваў сам справіцца з полымем. Сусед, які сярод ночы заўважыў пажар, пазваніў на лінію 101. Зараз пагарэлец зараз наўрад ці зможа жыць у тым будынку, які яшчэ нядаўна называўся яго домам. Прычына пажару – парушэнне правілаў эксплуатацыі печы атаплення.
Застацца без жылля – бяда. Але ж усе матэрыяльнае можна з цягам часу нажыць. Сапраўдная трагедыя – калі з-за ўласнай неасцярожнасці гіне ў агні чалавек. Пажар у Гарэнічах можна назваць выпадкам шчаслівага ратавання: большасць начных пажараў прыводзяць да гібелі людзей, калі чалавек атручваецца чадам, нават не прачнуўшыся…
Усім домаўладальнікам варта не забывацца пра простыя і такія важныя правілы пажарнай бяспекі. Па-першае, не курыце ў доме. Па-другое, эксплуатуйце толькі адрамантаваныя печы: печка не павінна мець расколінаў, дымаход трэба патынкаваць і пабяліць, не перакальвайце печ і прыбярыце з гарачай ляжанкі ўсе рэчы. Па-трэцяе, электрапрыборы не павінны знаходзіцца пастаянна ўключанымі ў разетцы, выключэнне – халадзільныя і маразільныя камеры. Сачыце за гульнямі дзяцей. Запалкі на відным месцы рана ці позна зацікавяць дзіця, таму прыбярыце іх з поля зроку малых. Устаноўка пажарнага апавяшчальніка – важнае і нават неабходнае мерапрыемства для дбайнага гаспадара: прыбор зрэагуе на задымленне гучным сігналам і зможа выратаваць такім чынам ваша жыццё.