- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
“Прафілактычная работа ў Бярэзінскім раёне не спыняецца…”
10 сакавіка першы намеснік начальніка Бярэзінскага райаддзела па надзвычайных сітуацыях Аляксандр Аляксандравіч Лагун наведаў філіял ТАА “ОМА”, каб яшчэ раз нагадаць пра тое, што самае галоўнае – гэта чалавечае жыццё, пагутарыць, да чаго вядзе неасцярожнасць пры абыходжанні з агнём, якую ролю мае чалавечы фактар і што трэба рабіць, каб зберагчы сваю маёмасць ад агню. Усяго ён наведаў 2 аб’екты сельскагаспадарчага прадпрыемства – машынна-трактарны двор і адміністрацыйны корпус гаспадаркі, што размяшчаюцца ў весцы Міхалёва.
Лічбы статыстыкі пажараў у нашай краіне, Мінскай вобласці і Бярэзінскім раёне, прычыны пажараў, абарона дзяцей, неабходнасць устаноўкі пажарных апавяшчальнікаў – усе гэтыя пытанні падрабязна разгледжаны падчас выступлення. Людзі задавалі многа пытанняў. Яны датычыліся ў асноўным проціпажарных нормаў пабудовы печы, бяспечных умоў эксплуатацыі электраабсталявання і працадзейнасці пажарных апавяшчальнікаў. Пасля выступлення работнікам філіяла ТАА “Ома” была ўручана наглядна-выяўленчая прадукцыя супрацьпажарнай накіраванасці.