- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Яшчэ раз пра бяспеку! (Мядзельскі раён)
Прадухіліць бяду – галоўны прынцып працы ратавальнікаў.
У большасці выпадкаў ўзнікненню надзвычайных сітуацый спрыяюць такія фактары, як нізкі ўзровень падрыхтаванасці і практычных навыкаў, парушэнне правілаў і тэхнікі пажарнай бяспекі. Гледзячы навіны, слухаючы радыё, чытаючы газеты мы бачым колькі людзей паплаціліся жыццём і здароўем толькі таму, што ім своечасова не паведамілі, што “гарым”, не аказалі першую медыцынскую дапамогу, не дапамаглі выйсці з небяспечнай зоны.
З мэтай папярэджання пажараў і гібелі людзей ад іх работнікамі Мядзельскага раённага аддзела па надзвычайных сітуацыях праводзіцца пастаянная пажарна–прафілактычная і інфармацыйна – тлумачальная праца з насельніцтвам. Так і дзень 26 лютага не стаў выключэннем – начальнік Мядзельскага раённага аддзела па надзвычайных сітуацыях правёў выступленне ў працоўных калектывах унітарнага прадпрыемства “Санаторый “Белая Русь”. Спачатку Андрэй Анатольевіч правёў прадметную размову з медыцынскім персаналам, а затым сустрэўся з работнікамі сталовай. У ходзе выступленняў разглядаліся асноўныя правілы паводзін пры ўзнікненні пажару, дзеянні пры эвакуацыі з будынка, правілы карыстання першаснымі сродкамі пажаратушэння, дзеянні па сігнале абвесткі насельніцтва “Увага ўсім!” і многія іншыя.
У заключэнні сустрэчы Андрэй Анатольевіч звярнуўся да прысутных з заклікам быць уважлівымі ў пытаннях ўласнай бяспекі і праяўляць клопат да тых, хто знаходзіцца побач.