МЧС Беларуси
МЧС Беларуси
Учреждение Минское областное управление МЧС Республики Беларусь
- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Урокі бяспекі для дарослых. (Мядзельскі раён)
Адным з эфектыўных метадаў работы па барацьбе з пажарамі і гібеллю людзей ад іх застаюцца выступленні ў працоўных калектывах. Бо менавіта “жывая размова” з людзьмі дае станоўчы вынік у разглядзе тэм, звязаных з забеспячэннем пажарнай бяспекі.
25 лютага адбылася сустрэча начальніка Мядзельскага раённага аддзела па надзвычайных сітуацыях Андрэя Анатольевіча Каркоцкага з работнікамі ўнітарнага прадпрыемства “Санаторый “Нарач”. Спачатку гэта былі рабочыя, а затым гутарка супрацьпажарнай накіраванасці была праведзена ў адміністрацыйным корпусе. У сваім выступе Андрэй Анатольевіч асвятліў асноўныя правілы бяспечных паводзін на працоўным месцы і ў побыце, акцэнтаваўшы ўвагу на тыповых памылках, якія могуць справакаваць надзвычайную сітуацыю. У дыялогу ён закрануў і такую тэму, як папярэджанне дзіцячага свавольства з агнём, а таксама пакіданне дзяцей без нагляду, звярнуў увагу на тое, што менавіта сам чалавек, яго бестурботнасць часцяком прыводзіць да трагедыі.
Больш падрабязна Андрэй Анатольевіч спыніўся на неабходнасці ўстаноўкі ў жылых памяшканнях аўтаномнага пажарнага апавяшчальніка і нагадаў прысутным, што асноўнай прычынай ўзнікнення пажараў з'яўляецца неасцярожнае абыходжанне з агнём пры курэнні. Грамадзяне, у якіх узніклі пытанні здолелі атрымаць тут жа на іх і кампетэнтныя адказы.
У заключэнні сустрэчы начальнік Мядзельскага РАНС нагадаў прысутным аб правілах бяспекі на вадзе, а таксама распавёў пра мабільны дадатак "МНС Беларусі: Дапамога побач", які дапаможа зарыентавацца ў экстранай сітуацыі, выклікаць пры неабходнасці службу выратавання, правільна аказаць першую даўрачэбную дапамогу, а таксама праверыць свае веды па бяспецы жыццядзейнасці.
Будь готов
Другие новости
