- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Размовы пра бяспеку працягваюцца… (Стаўбцоўскі раён)
На тэрыторыі Стаўбцоўскага раёна працягваецца работа, накіраваная на папярэджванне пажараў. Кожны дзень работнікі раённага аддзела па надзвычайных сітуацыях праводзяць сустрэчы бяспекі з насельніцтвам з мэтай нагадаць, папярэдзіць, дапамагчы.
Так, у рамках Адзінага Дня бяспекі выконваючы абавязкі начальніка райаддзела па надзвычайных сітуацыях Аляксандр Полацкі сустрэўся з жыхарамі аграгарадка Дзераўная. Увагу прысутных ратавальнік традыцыйна звярнуў на правілы пажарнай бяспекі ў побыце і на рабочых месцах, патлумачыў, да якіх наступстваў прыводзіць наша халатнасць і абыякавасць у пытаннях бяспекі. Акрамя таго, нагадаў алгарытм дзеяння падчас узнікнення надзвычайнай сітуацыі. Безумоўна, не пакінуў без увагі і пытанне бяспекі дзяцей. Акцэнтаваў увагу і на выкананні правілаў пажарнай бяспекі падчас распальвання кастроў і спальванні смецця.
“Да, усе мы ведаем, што агонь становіцца ворагам толькі ў той момант, калі да карыстання ім адносяцца безадказна, калі не захоўваюць правілы пажарнай бяспекі, - адзначыў Аляксандр Іосіфавіч і дадаў: - Такім чынам, менавіта мы самі нясём адказнасць за нашу бяспеку. Вось і трэбы зрабіць усё магчымае, каб наша жыццё і жыццё нашых родных стала бяспечным”.
Пра правілы пажарнай бяспекі нагадаў і інжынер інспекцыі нагляду і прафілактыкі аддзела Вадзім Салаўёў, які сустрэўся з работнікамі ААТ “Каганец”.
Канешне, ратавальнікі заўсёды побач і прыйдуць на дапамогу ў любы момант. Але так хочацца, каб такіх момантаў было як мага менш!