- Адреса и телефоны
-
220137 г. Минск, ул.Нестерова, 9а
Время работы: пн-пт 09.00-18.00
- (+375 17) 246-74-04 (приемная)
- (+375 17) 273-39-99, (+375 17) 273-93-65
- minobl@mchs.gov.by
Дзецям – размалеўкі, дарослым – буклеты і брашуры: фінал акцыі “Бяспека - у кожны дом” у Беразіно
Апошні этап акцыі “Бяспека – у кожны дом” прайшоў у спартыўнай дзіцяча-юнацкай школе алімпійскага рэзерву.
Усе ўдзельнікі акцыі маглі праверыць свае веды пра ўласную бяспеку, пагуляць разам у карысную гульню “Дзе небяспека?”, памаляваць прычыну пажару ў рукавіцах пажарнага, патушыць умоўнае ўзгаранне на пліце, скласці пазл. І абявязкова атрымаць яркую і карысную наглядную прадукцыю ў падарунак. Як і чакалася, дапытлівыя дзеці і дарослыя ўжо на стадыі падрыхтоўкі акцыі падыходзілі і цікавіліся: “А што тут адбываецца?”. Выдатнымі памочнікамі дарослых пажарных на акцыі сталі юныя ратавальнікі з клуба “Сірэна” Цэнтра дзіцячай творчасці. Прыемна, што не застаўся ў баку першы сакратар РК ГА “БРСМ”, раённы прадстаўнік Беларускага таварыства Чырвонага Крыжа. Агульнымі намаганнямі за дзве гадзіны акцыі мы навучылі мерам пажарнай бяспекі больш за паўсотні чалавек, уручылі нямала асобнікаў нагляднай прадукцыі. Дзецям найбольш падабаліся размалёўкі, дарослым – буклеты “Дапамога побач” і “Бяспечная эвакуацыя”.